ایران رد ائتدی

ایران رهبرلیگی، دانمارکداکی "اهوازین قورتولوشو اوچون عرب مباریزه‌سی حرکتی" عضولرینه سوءقصد پلانلادیغی یولون‌دا‌کی ادعالاری رد ائتدی.

ایران خاریجی ایشلرباخانلیغی سؤزچوسو بهرام قاسمی، وئردیگی یازی‌لی آچیقلامادا، دانمارک پلیس استخبارات قورومونون ادعالارینا جاواب وئردی.

قاسمی،

"ادعالاری کسینلیکله رد ائدیریک. بو، تانیدیق دوشمنلرین، ایران ایله آوروپا بیرلیگی اؤلکه‌لری آراسین‌دا یاخشی و گلیشمک‌ده اولان ایلیشکیلرینی ایندیکی اؤزل و جدی شرطلرده پوزماغا یؤنلیک حیله و توطئه‌سی‌دیر" دئدی.

دانمارک پلیس استخبارات قورومو، ایران استخباراتینین، دانمارکداکی "اهوازین قورتولوشو اوچون عرب مباریزه‌سی حرکتی" عضولرینه سوءقصد پلانلادیغینی و بو چرچیوه‌ده آپاریلان عملیات‌دا ایران اصیل‌لی نروژ وطنداشی بیر نفرین ۲۱ اکتبردا سوئدین گوتبورگ شهرین‌ده توتوقلاندیغینی بیلدیرمیشدی.