قاسمی: عوامجا، یانیلدیجی و چیرکین

ایران خاریجی ایشلر باخانلیغی سؤزچوسو بهرام قاسمی، آمریکا خاریجی ایشلر باخانی مایک پومپئونون اؤلکه‌سینه دایر آچیقلامالارینین "عوامجا و یانیلدیجی و چیرکین" اولدوغونو دئدی.

بهرام قاسمی، باخانلیغین رسمی سایتین‌دا یاییملانان آچیقلاماسین‌دا، آمریکانین ایرانا قارشی پسیکولوژیک ساواش آپارماق ایستدیگینی ایر‌لی سوردو.

پومپئونون ایران اقتصادی ایله باغلی سؤزلرینین "عوامجا، یانیلدیجی و چیرکین" اولدوغونو دئین قاسمی، آمریکانین بؤلگه‌ده‌کی ایران قارشیدی پلانلارینین یئنی اولمادیغینی قید ائتدی.

قاسمی، ایران اقتصادینین تروریزمله مباریزه و دیگر گلیشمه‌لره باخمایاراق، "یوزده ۸ آرتدیغینی" سؤیله‌یه‌رک بو ایفاده‌لره یئر وئردی:

"آمریکا مقاملاری، ایرانا قارشی تحریملرده دونیادان گلن تپکیلرین اوستونو اؤرتمک اوچون پسیکولوژیک ساواش یئریدیر. آمریکا، بو استراتژیک خطالاری آرخادا قویدوغوموز ۴۰ ایل بویونجا ائتدی و همیشه اوغورسوز اولدو".

آمریکا خاریجی ایشلر باخانی مایک پومپئو، تحریملرله ایران اقتصادینی ضعیفلتدیگی و تهران رهبرلیگینین بؤلگه‌ده اؤنجه‌کی کیمی فعال اولمادیغی سؤیله‌میشدی.