ایراندان نتانیاهونون عمان سفرینه تپکی
نتانیاهو اؤلکهسینین دیپلوماتیک ایلیشکیسی اولمایان عمان سلطانلیغینا دونن ایلک دفعه رسمی سفر ائتدی
ایران خاریجی ایشلر باخانلیغی سؤزچوسو بهرام قاسمی، ایسراییل باشباخانی بنیامین نتانیاهونون عمان سفرینه تپکی وئرهرک، ایسراییلین مسلمان اؤلکهلر آراسیندا اختیلاف چیخارماغا چالیشدیغینی سؤیلهدی.
قاسمی، خاریجی ایشلر باخانلیغینین سایتینداکی آچیقلاماسیندا ایسراییلی فیلیسطیندهکی ۷۰ ایللیک ایشغالین اوستونو اؤرتمهیه چالیشماقلا سوچلادی.
سؤزچو قاسمی، مسلمان اؤلکهلرین، "آغ ائوین باسقیسی آلتیندا ایسراییله بؤلگهده یئنی پروبلئملر ایجاد ائتمهسی اوچون الوئریشلی زمین یاراتماماسی لازیم اولدوغونو" بیلدیردی.
آمریکا پرزیدنتی دونالد ترامپ رهبرلیینده و آغ ائودکی یهودی لوبیسینین مسلمان اؤلکهلره، "ایسراییل ایله دیپلوماتیک ایلیشکیلری نورماللاشدیرماسی اوچون باسقی ائتدیگینی" ساوونان قاسمی، بو طلبلرین قبول ائدیلمهسی حالیندا باسقیلارین آرتاجاغینی و فیلیسطین خالقینین حاقلارینین قبول ائدیلمهسی مسئلهسینده جسارت وئریجی اولاجاغینی قئید ائتدی.
بنیامین نتانیاهو اؤلکهسینین دیپلوماتیک ایلیشکیسی اولمایان کؤرفز اؤلکهسی عمان سلطانلیغینا دونن ایلک دفعه رسمی سفر حیاتا گئچیرهرک، عمان سلطانی قابوس بن سعید ایله بیر آرایا گلمیشدی.
ایلگیلیلی خبرلر
تورکیه اوردوسو عراق و سوریه-ده 17 ترورچونو ضررسیزلشدیریلیب
عراق و سوریه-نین قوزئیینده بولوجو ترور تشکیلاتی پ.کا.کا-یا عاید 17 ترورچو ضررسیزلشدیریلیب.
آذربایجان و ائرمنیستان آراسیندا باریش دانیشیقلاری باشلاییب
قازاخیستانین آلماتی شهرینده آذربایجان و ائرمنیستان آراسیندا باریش دانیشیقلاری باشلاییب.