حسن روحانی: عربیستان آمریکادان دستک آلمادان جمال قاشیقچینی اؤلدوره مز
روحانی، ناظیرلر کابینه'سینین ایجلاسی زامانی چیخیشیندا، قاشیقچی جینایتینی "بنزری گؤرولممیش وحشیجهسینه تؤردیلمیش بیر جینایت" کیمی آدلاندیردی
ایران پرزیدنتی حسن روحانی، سعودی عربیستانین آمریکادان دستک آلمادان سعودی ژورنالیست جمال قاشیقچی اؤلدورموش اولمایاجاغینی ایرهلی سوردو.
ایران رسمی آژانسی ایرنانین خبرینه گؤره، پرزیدنت روحانی، ناظیرلر کابینه'سینین ایجلاسی زامانی چیخیشیندا، قاشیقچی جینایتینی "بنزری گؤرولممیش وحشیجهسینه تؤردیلمیش بیر جینایت" کیمی آدلاندیردی.
روحانی،
آمریکانین دستگی اولمادان هئچ بیر اؤلکهنین بئله بیر جینایت تؤردجگینی دوشونمورم. گؤرونور، بیر اؤلکهیه حؤکم ائدن بیر غبیله، سوپئر گوجون قوروماسینا صاحب". دئدی.
تورک حوکومتینه جینایتین بوتون اؤلچولری و ایستیقامتلرینی آشکار ائتمه چاغیریشیندا اولان روحانی، بئله داوام ائتدی:
کیمسه بو گونون دونیاسیندا و یئنی عصرده بئله موتشککیل بیر جینایته شاهیدلیک ائدجگیمیزی و بیر سیستمین بو قدر وحشیجهسینه بیر جینایتی قوراجاغینی تصور ائتمزدی".
روحانی، قاشیقچی جینایتینین آمریکا، آوروپا و دیگر اولکه'لری اوچون اینسان حاقلاری مسئلهسینده بیر سیناق اولدوغونو بیلدیریب،
بو ایشلنن جینایت و گوناهکارلاریندان داها چوخ پیسلنمهسی لازیم اولان، اونلارا بو جینایتی ایشلمه جسارتینی وئرن گوجدیر". ایفادهلرینی ایستیفاده ائتدی.
واشینگتون پوست قزئتینین مؤلفی سعودی ژورنالیست جمال قاشیقچی، 2 اوکتوابر 2018 چرشنبه گونو رسمی پروسهدورلار اوچون سعودی عربیستانینین ایستانبول باش کونسوللوغونا گئدندن سونرا اورتادان غیب اولموشدو.
سعودی عربیستان رهبرلیگی، 20 اکتوبردا، قاشیقچینین "کونسوللوق بیناسیندا باش وئرن داوا-دالاش نتیجهسینده اؤلدوگونو" آچیقلامیشدی.