سعودی عربیستان‌دان قاشیقچی آراشدیرماسی آچیقلاماسی
ولید الصمعانی، ژورنالیست جمال قاشیقچی ایشیله باغلی سوروشدورما و موحاکیمه پروسه'سی‌نین نه واخت بیته'جگی ایله باغلی دقیق بیر تاریخ اولمادیغینی دئییب
سعودی عربیستان‌دان قاشیقچی آراشدیرماسی آچیقلاماسی
سعودی عربیستانی عدلیه ناظیری ولید الصمعانی، ژورنالیست جمال قاشیقچی ایشیله باغلی سوروشدورما و موحاکیمه پروسه'سی‌نین نه واخت بیته'جگی ایله باغلی دقیق بیر تاریخ اولمادیغینی دئییب.
سعودی عربیستانی طرفین‌دن مالیه‌لش‌دیریلن دوبی مرکزلی العربی تلویزیونونا دانیشان الصمعانی، کرال حقوقی و عدلی پروسه'سین آچیق اولدوغونو و بو ایشله باغلی هر هانسی بیر طلبین اوخشار ایشلرده تطبیق اولونان معیار و اساسنامه‌لرله پارالل اولاجاغینی ایفاده ائتدی.
قاشیقچی محکمه‌سینده سوروشدورما و موحاکیمه ائتمگین نه واخت باشا چاتاجاغی ایله باغلی سوا‌لی سامانی،
ایستر سوروشدورما ایستر محکمه مرحله‌سینده اولسون، مدت و پروسه‌دور جزا موحاکیمه‌سی قانون‌لاری ایله معین ائدیلیر. سوروشدورما واخت آلیر و نه زامان بیته'جگی ده دقیق‌لیک قازانمیش دئییل. باش ساوجیلیغین جینایت ایشینی بیتیرمه‌سینی گؤزلییریک". دئیه جوابلاندیریب.
الصمعانی، داها اوّل سعودی عربیستانی رسمی خبر آژانسی ایسپا آچیقلاماسیندا "قاشیقچی حادیثه، سعودی کرال‌لیغی‌نین حاکم اولدوغو بیر تورپاق پارچاسیندا باش وئردی". ایفاده‌سینی ایشلتمیشدی.
سعودی عربیستان رهبرلیگی، 2 اوکتوبردا ایستانبول باش کونسول‌لوغونا گیردیک‌دن سونرا خبر آلمایان قاشیقچی-نین "کونسوللوق بیناسیندا باش وئرن داوا-دالاش نتیجه‌سینده اؤلدوگونو" آچیقلامیشدی.
سعودی عربیستانی رسمی خبر آژانسی ایسپا یئر آلان خبرده، سعودی عربیستانی ساوجیلیغینین آپاردیغی سوروشدورما نتیجه‌سینده، جمال قاشیقچی-نین ایستانبول باش کونسول‌لوغونا گلدیگی زامان بورادا اولان "باشقا سعودی وطنداش‌لارلا موباحیثه باشلادیغی، موباحیثه‌نین داوایا چئوریلمه‌سی و بونون نتیجه‌سینده قاشیقچی-نین اؤلدوغو" ادعا ائدیلمیشدی.
