عربستان، قاشیقچینین اؤلدورولدوگونو اعتراف ائتدی
حادثه ایله باغلانتی‌لی ۱۸ عربستان وطنداشینین گؤزآلتینا آلیندیغی بیلدیریلدی
عربیستان رهبرلیگی، ۲ اکتبردا ایستانبول باش کونسول‌لوغونا گیردیک‌دن سونرا خبر آلیناممایان سعودی ژورنالیست جمال قاشیقچینین "کونسوللوق بیناسین‌دا باش وئره‌ن یاخالاشما نتیجهسینده اؤلدویونو" اعتراف ائتدی.
عربیستان رسمی خبر آژانسی سپادا یئر آلان خبره گؤره، عربستان ساوجیلیغینین یئریتدیگی سوروشدورما نتیجهسینده، جمال قاشیقچینین ایستانبول باش کونسول‌لوغونا گئتدیگی سیرادا بورادا اولان "باشقا سعودی وطنداشلارلا دارتیشما باشلادیغی، دارتیشما‌نین ووروشمایا چئوریلمه‌سی و بونون نتیجهسینده قاشیقچینین حیاتینی ایتیردیگی" قید اولوندو.
عربستان باش ساوجیلیغینین بو پرونده حاقین‌داکی سوروشدورماسینین داوام ائتدیگی و حادثه ایله باغلانتی‌لی ۱۸ عربستان وطنداشینین گؤزآلتینا آلیندیغی بیلدیریلدی.
ژورنالیست جمال قاشیقچینین اؤلومون‌ده الی اولان هر کس‌ین حسابا چکیله‌جگینی و عدالته تسلیم ائدیله‌جگینی بیلدیره‌ن ساوجیلیغین، "اؤیرندیگی بوتون حقیقتلری پایلاشاجاغی و سوچلولاری عدالت قارشی‌سینا چیخارما" حاضیرلیغین‌دا اولدوغو ایفاده ائدیلدی.
دیگر یاندان، عربستان، تورکیه‌نین، "پرزیدنت رجب طیب اردوغان رهبرلیگین‌ده قاشیقچی حادثه‌سی اسوروشدورما پروسه‌سین‌ده اورتایا قویدوغو یوکسک دایانیشمانی دیرلی گؤردوکلرینی" آچیقلادی.
ریاض، تورک مقاملارین، شبهه‌لی شحصلرله باغلی پایلاشدیغی معلوماتلارین قاشیقچی مسئلهسینین آیدینلانماسینا یاردیم‌چی اولدوغونو بیلدیردی.
آیریجا کرالیت قرارنامه‌سی ایله عربستان استخبارات یاردیمچیسی احمد عسیرینین ده آرالارین‌دا اولدوغو اوست سویه ۵ نفر وظیفه‌دن آلیندی.
ایلگیلی‌لی خبرلر
ایسرائیل‌ین لبنان-ا سالدیریلاری نتیجهسینده ۶ نفر اؤلوب
ایسرائیل‌ین اؤتن گئجه لبنان-ا ائندیردیغی هاوا ضربه‌لری نتیجهسینده ۶ نفر اؤلوب، ۱۵ نفر یارالانیب
