اسد رژیمی ایله داعش-ین امکداشلیغی
سوریه-ده اسد رژیمی نین ترور تشکیلاتی داعشه بومبالی هوجوم لاریندا شرایط یاراتدیغینی بیلدیردی.
سوریه-ده اسد رژیمی نین ترور تشکیلاتی داعشه بومبالی هوجوم لاریندا شرایط یاراتدیغینی بیلدیردی.
سوریه اینسان حاق‌لاری شبکه‌سی (SNHR) سوریه-نین گونئی ینده اسد رژیمی‌نین نظارتیندکی سویدا شهر مرکزینده 25 ژوئیه ده داعش تروریستلری طرفین‌دن تشکیل اولونان و ان آزی 150 اینسانین هلاک اولدوغو هوجوملا باغلی راپور یایدی.
راپوردا جانلی بومبا هوجوموندا یاخین‌لارینی ایتیرن بعضی شخص‌لرین ایفاده‌لرینه مراجعت ائدیلیر، رژیم قوه‌لری‌نین بو هوجوم‌لاردا داعشه شرایط یاراتدیغینا دایر معلومات‌لارا یئر وئریلیر.
راپوردا می آییندا رژیم و داعش آراسیندا الده اولونان راضیلاشمایا أساسا 1200 داعش تروریسیتین پایتاخت دمشق‌دکی یرموک کامپ یندان سویدا-نین دوغوسونداکی چول بؤلگه‌سینه کئچدیگی خاطیرلادیلیر، رژیم قوه‌لری‌نین ژوئن آییندا داعش عضو‌لری‌نین کئچدیگی بؤلگه‌دکی حربی نقطه‌لرینی بوشالتدیغی، بئله‌لیکله، کئچیده شرایط یاراتدیغی بیلدیریلدی.
راپوردا: "رژیم قوه‌لری هوجوم‌لاردان 3 گون اول سویدا شهرینده سلاح‌لی میلیس‌لره وئردیگی سلاح‌لاری گئری آلدی. آنجاق بعضی کندلردکی میلیس‌لر، سلاح‌لارینی تسلیم ائتمه‌یی رد ائتدی. داها سونرا آیدین اولدو کی، داعش ساده‌جه سلاح‌لارینی تسلیم ائدن کندلره باسقین ائدیب" ایفاده‌لرینه یئر وئریلیر.
راپوردا، عینی زاماندا، داها اول ده اسد رژیمی ایله داعش آراسیندا حما و ادلیب-دا امکداش‌لیغینا ایشاره ائدیله‌رک: "سویدا شهرینده باش وئرن چیرکین حقوق پوزونتولاری داعش تشکیلاتی ایله سوریه رژیمی آراسیندا کووردیناسیونو و امکداشلیغی بیر داها اورتایا قویدو. باش وئرن‌لره گؤره هر ایکی‌سی مسئول دور " دئییلیر.
شبکه‌نین راپوروندا داعش-ین سویدا شهر مرکزیندکی هوجوم‌لاری ایله عینی زاماندا شهرین دوغو و قوزیی –دوغوسوندا رژیم قوه‌لرینه سلاح‌لارینی تسلیم ائدن 8 کنده باسقین تشکیل ائده‌رک، آرا‌لاریندا قادین و اوشاق‌لارین اولدوغو 29 نفری قاچیردیغی بیلدیریلدی.
رژیمی‌نین اینفورماسیون آژانسی سانا 25 ژوئیه ده رژیم نظارتینده کی سویدا شهری‌نین مرکزینده، بیری بازار یئری، دیگری ده بیر کوچه‌ده اولماقلا، ایکی آیری نقطه‌ده جانلی بومبا هوجومو تشکیل اولوندوغونو بیلدیرمیشدی.
هوجوم‌لاردا 150-ا یاخین اینسان هلاک اولموشدو.
ایلگیلی‌لی خبرلر
روسیا اوکراینسک قصبه‌سینی اله کئچیردیک‌لرینی بیلدیریب
روسیا ساوونما ناظیرلیگی، دونتسکده اوکراینسک قصبه‌سینی اله کئچیردیک‌لرینی بیلدیریب.
