عراق، تورکیه ایله گوونلیک امکداشلیق پروتوکولونو تصدیق ائتدی

عراق حکومتی تورکیه ایله تهلوکه‌سیزلیک ساحه‌سینده امکداش‌لیق پروتوکولونو تصدیق ائتدی.

عراق-دا یئنی حکومت قورولانا قدر وظیفه‌سی‌نین ایجراسینی داوام ائتیرن باش ناظیر حیدر العبادی‌نین اوفی‌سیندن وئریلن معلوماتا گؤره، ناظیرلر قورولوندا عراق و تورکیه ایچ ایشلر ناظیرلیک‌لری آراسیندا تهلوکه‌سیزلیک ساحه سینه  دایر امکداش‌لیق پروتوکولو تصدیق ائدیلیب.

معلوماتدا سؤزوگئدن امکداش‌لیق پروتوکولونون دئتال‌لاری آچیق‌لانمیر.

دیگر طرف‌دن، ایچ ایشلر ناظیرلیگی پروتوکولون سرحد تهلوکه‌سیزلیگینه دایر ایکی اؤلکه آراسینداکی تهلوکه‌سیزلیک کووردیناسیونونو هدف‌له‌دیگینی بیلدیردی.

ناظیرلیک حاضردا سرحد تهلوکه‌سیزلیگی‌نین عراق ایچ ایشلر ناظیرلیگینه تابع اولان سرحد محافظه قوه‌لری طرفیندن قوروندوغونو قئید ائتدی.

ایچ ایشلر ناظیرلیگی‌نین آچیقلاماسیندا عراق اراضی‌سیندن تورکیه‌یه قارشی هر هانسی بیر هوجومون باش وئرمه‌مه‌سی اوچون یوکسک سویه‌لی کووردیناسیون ایشین آپاریلدیغی و ایکی اؤلکه‌نین اگه منلیگینه حؤرمت ائدیلدیگی ایفاده اولوندو.

حیدر عبادی اؤتن آی تورکیه ایله سرحد بؤلگه‌سی‌نین تهلوکه‌سیزلیگی‌نین تامین ائدیلمه‌سی مقصدیله بو بؤلگه‌یه سلاح‌لی قوه‌لرین یئرلشدیریلمه‌سی باره‌ده گؤستریش وئرمیشدی.