"آمریکانین هدفی رژیم دییشیکلیگی"
روحانی: یاخین گلهجکده وضعیت داها پیس اولابیلیر آما اوزاق گلهجکده هر شئی چوخ داها یاخشی اولاجاقدیر
ایران جمهورباشقانی حسن روحانی، آمریکانین اولکهسینده نهائی هدفینین "رژیم دییشیکلیگی" اولدوغونو بیلدیردی.
تهران اونیورسیتهسینین یئنی آکادمیک ایلی آچیلیش تؤرنینده دانیشان روحانی، آمریکانین ایرانا قارشی اکونومیک و پسیکولوژیک ساواش یوروتدوگونو ایفاده ائتدی.
روحانی، آمریکانین ایران اوزریندهکی نهائی هدفی رژیم دییشیکلیگیدیر. بو هدفینه چاتماق اوچون اکونومیک و پسیکولوژیک ساواش باشلاتدی. بیر سونراکی مرحله ایسه مشروعیت دارتیشمالاری باشلاتماق و رژیمی ایشلهمز حالا گتیرمکدیر" دئدی.
آمریکاداکی دونالد ترامپ یؤنتیمینین تاریخده بنزری گؤرولمهمیش شکیلده بیر ایران دوشمانلیغی یوروتدوگونو دیله گتیرن روحانی، "داها اؤنجهکی دؤنملرده ایدی، بیری دوشمان اولورسا اوبیری اورتا یولو تعقیب ائدردی. ایندی آمریکانی یؤنتنلر تاریخده بنزری گؤرولمهمیش شکیلده بیر ایران دوشمانلیغی قونوسوندا بیرلیک اولموش دورومدادیرلار" ایفادهلرینی قوللاندی.
یاخیندا ایکینجی تحریم پاکتینین گلمهسینین خالقی اومودسوزلوغا آپارماماسی لازیم اولدوغونو وورغولایان ایران جمهورباشقانی، "یاخین گلهجکده وضعیت داها پیس اولابیلیر. آما اوزاق گلهجکده هر شئی چوخ داها یاخشی اولاجاقدیر" دئدی.
ایلگیلیلی خبرلر
حوثی لر:"ایسراییل گمیسینی ووردوق"
یمن-دهکی حوثی لر عدن کؤرفزینده ایسراییل گمیسینی ووردوقلارینی بیلدیریبلر.