لاوروو: آمریکا قوندارما دؤولت قورماق ایستهییر
"آمریکا بو تورپاقلاری کوردلر اوزریندن بیر قوندارما دؤولت قورماق آماجییلا قوللانمایا چالیشیر"
![لاوروو: آمریکا قوندارما دؤولت قورماق ایستهییر](http://cdn.trt.net.tr/images/xlarge/rectangle/d7b5/d60f/712f/5b9be1d38abd1.jpg?time=1718940381)
روسیا خاریجی ایشلر باخانی سئرگئی لاوروو، آمریکانین، سوریهده سؤزده دؤولت پروژهسی ایله تهلوکهلی اویون باشلاتماقدا اولدوغونو دئدی.
سئرگئی لاوروو،فرانسادا یایینی اولان روسیا مرکزلی بیر تلویزیون کانالینا مصاحیبه وئردی.
لاوروو، آمریکانین سوریهدهکی متفیقلری اوزریندن فرات چاینین دوغوسوندا سؤزده دؤولت قورماغا چالیشدیغینی سؤیلهیرک، "آمریکا بو تورپاقلاری کوردلر اوزریندن بیر قوندارما دؤولت قورماق آماجییلا قوللانمایا چالیشیر" دئیه دانیشدی.
لاوروو آچیقلاماسیندا، "فراتین دوغوسوندا، اصلا قبول ائدیلمهیهجک شئیلرین باش وئردیگی معظم بؤیوکلوکده تورپاقلار وار" ایفادهلرینی ایشلتدی.
ادلبده سلاحلاردان آریندیریلمیش بؤلگه یاراتماق آنلاشماسینین گئچیجی اولدوغونو بیلدیرن لاوروو، چاتیشمانین ایسه آنجاق سوریه خالقینین اؤلکهنین بوتونونده حاکمیتی یئنیدن قازانماسی ایله سونا چاتابیلهجگینی وورغولادی.