ساختا ایچکیدن اؤلنلرین ساییسی آرتدی
۸ نفرین وضعیتینین آغیر اولدوغو ایفاده ائدیلدی
ایرانین هرمزگان ایالتینده ساختا ایچکیدن اؤلنلرین ساییسی ۱۶یا یوکسلدی.
هرمزگان طب فاکولتهسی خالقلا ایلیشکیلر مودورو فاطمه نوروزیان، چرشنبه آخشامیندان بو یانا ایالتده ۱۶۸ نفرین الکل زهرلهنمهسی سببی ایله خستهخانالارا گؤتورولدویونو دئدی.
زهرلنهنلردن ۱۶سینین حیاتینی ایتیردیگینی بیلدیرهن نوروزیان، ۸ نفرین ایسه وضعیتینین آغیر اولدوغونو ایفاده ائتدی.
ایسنایا گؤره، هرمزگان پولیس رئیسی عزیزالله ملکی ده حادثهدن سونرا سوروشدورما باشلادیلدیغینی و قاچاق ایچکی ساتیجیلارینین معین ائدیلدیگینی بیلدیردی.
ملکی، سوروشدورما چرچیوهسینده ساختا ایچکی اورتیب ساتدیغی معین ائدیلن ۳ نفرین گؤزآۀتینا آلیندیغینی بیلدیردی.
هرمزگاندا دونن ۱۰ نفرین قاچاق ایچکیدن زهرلنهرک اؤلدویو بیلدیریلمیشدی.
ائلبروز ایالتینه باغلی کرج شهرینده ده ۱۱ سپتامبردا ۳ نفر ساختا ایچکیدن زهرلنهرک حیاتینی ایتیرمیشدی.
