حسن روحانی، دونالد ترامپین حرکتلرینین هئچ بیری اومید وئرمدیگینی سؤیلهدی
بمت 73-جی عمومی قورولوندا قاتیلیماق اوچون آمریکا-این نیویورک شهرینده اولان روحانی، آمریکالی مئدیا رهبرلری ایله کئچیردیگی موشاویرهده، نوکلئر دانیشیقلارلا باغلی بیانات وئردی
ایران جمهورباشقانی حسن روحانی، آمریکانین پرزیدنتی دونالد ترامپین حرکتلرینین هئچ بیر اومید وئرمدیگینی بونا گؤره ده اونونلا گؤروشمه'نین هئچ بیر تأثیرینین اولمایاجاغینی سؤیلهدی.
بیرلشمیش میللتلر تشکیلاتینین (بمت) 73-جی عمومی قورولوندا قاتیلیماق اوچون آمریکا-این نیویورک شهرینده اولان روحانی، آمریکالی مئدیا رهبرلری ایله کئچیردیگی موشاویرهده، نوکلئر دانیشیقلارلا باغلی بیانات وئردی.
آمریکا پرزیدنتی دونالد ترامپ ایله گؤروشمه مسئلهسینه دایر روحانی، ایران ایله شمالی کوره'نین بیر-بیرینه بنزدیلمهسی یئرینده اولمادیغینی بیلدیرهرک، ترامپین چوخ اهمیتلی بیر آنلاشمادان (ایران ایله واریلان نوکلئر آنلاشما) هئچ بیر اساس گؤسترمهدن چکیلدیگینی، ایران خالقینی تحریملرله تهدید ائتدیگینی و ایچ ایشلرینه موداخیله ائتدیگینی ساووناراق،
"بونلارین آسان آسان گؤز آردی ائدیلهجک آددیملار اولمادیغینی" ایفاده ائتدی.
گؤروشمه'نین موناقیشهلر آزالاندا و مثبت نتیجهدن اومیدلی اولدوقدا حیاتا کئچیریله بیله'جگینی دیله گتیرن روحانی، ترامپین ایشلرینین هئچ بیر اومید وئرمدیگینی بونا گؤره ده گؤروشمه'نین هئچ بیر خصوصیتینین و تأثیرینین اولمایاجاغینی قئید ائدهرک،
" فقط گلهجکده آمریکانین صمیمی بیر شکیلده موناسیبتلری یئنیدن تاسیس ائتمک ایستدیگینی گؤرسک، بیزیم قراریمیز دا فرقلی اولاجاق و او زامان آتموسفر ده دییشهجکدیر." دئیه دانیشدی.
ترامپین ایران و خالقینا قارشی چوخ سهو آددیملار آتدیغینا دقتی چکن روحانی،
ترامپ اوّل بونلاری تلافی ائتمهلیدیر. آمریکا ایله موذاکیرهلرده تعقیب ائتدیگیمیز قازان-قازان سیاستی. ترامپ بونو پوزدو. حالبوکی آمریکالی شیرکتلرین ایران ایله ایشلمهسی آمریکانین ضررینه دئییلدی." فیکیرلرینی پالاشدی.
ایران پرزیدنتی روحانی، همچینین آمریکانین ایران اینقیلابیندان بو یانا اونلارا قارشی ساواشین ترورچو قروپلاری دستکلدیگینی ایرهلی سوردو.
ایلگیلیلی خبرلر
حوثی لر:"ایسراییل گمیسینی ووردوق"
یمن-دهکی حوثی لر عدن کؤرفزینده ایسراییل گمیسینی ووردوقلارینی بیلدیریبلر.