عباسدان یهودی میللت-دولتی قانونونو بیرلشمیش میللتلره داشیما تشببوسو
فیلیسطین رهبری محمود عباس، ایسرائیلده قبول ائدیلن یهودی میللت-دولتی قانونونا قارشی بیرلشمیش میللتلر عمومی قورولونون علیهینه بیر قرار چیخارماسینی طلب ائدهجکلرینی و بؤیوک بیر موباریزه آپاراجاقلارینی دئییب
![عباسدان یهودی میللت-دولتی قانونونو بیرلشمیش میللتلره داشیما تشببوسو](http://cdn.trt.net.tr/images/xlarge/rectangle/1b90/7834/5f2b/5b790bfc66988.jpg?time=1718752478)
عباسدان یهودی میللت-دولتی قانونونو بیرلشمیش میللتلره داشیما تشببوسو
فیلیسطین رهبری محمود عباس، ایسرائیلده قبول ائدیلن یهودی میللت-دولتی قانونونا قارشی بیرلشمیش میللتلر عمومی قورولونون علیهینه بیر قرار چیخارماسینی طلب ائدهجکلرینی و بؤیوک بیر موباریزه آپاراجاقلارینی دئییب.
محمود عباس، فیلیسطین قورتولوش تشکیلاتینا باغلی فیلیسطین مرکزی شورانین 29ونجو دؤنم توپلانتی نین قاپانیشیندا ائتدیگی قونوشمادا، ایسرائیل-فیلیسطین بازیش گؤروشمه لری اوچون آمریکانین واسیطه چیلیگینی رد ائتدیگینی ایفاده ائدهرک، یهودی یاشاییش یئرلرینی و قودسو ایسرائیلین پایتختی اولاراق تانیما قرارلاریندان گئری قاییدانا قدر فیلیسطین و آمریکا آراسیندا هئچ بیر گؤروشمه نین اولمادیغینی وورغولادی.
موجود وضعیتین داوام ائتمهسی حالیندا "اوسلو" موقاویلهسینین داوام ائتممهسینه توخونان عباس، حماس حرکتینی میللی اوزلاشما حکومتینین غزه ده ده فعالیتلرینی یئریتمهسینه ایمکان یاراتماغا چاغیریب.
ایسرائیل مجلیسینده قبول ائدیلن یهودی میللت-دولت قانونو، ایکی فرقلی وطنداش مودئلی نظرده توتور.
بونا گؤره، 8 میلیوندان چوخ اهالیلی اؤلکهنین یوزده 20دن چوخونو تشکیل ائدن عربلرین ایکینجی صینیف وطنداش وضعیتینه دوشه جگی قئید ائدیلیر.
دیگر طرفدن ایسرائیل طرفیندن غزه یه ایجرا اولونان محاصیره نی قیرماغی هدفله یئن چوخ سایدا فیلیسطینلی ایسرائیلین یئریتدیگی دنیز سرحدینه دوغرو قاییقلاری حرکت ائتدی.
اعتراضا قاتیلان چوخ سایدا فیلیسطینلی، 40 قاییقلا غزهدکی بالیقچیلار اسکله سیندن آغدنیزی سولارینا آچیلیب.
ایسرائیل جزالاندیریجی اولاراق، ائرئز سرحد قاپیسینی، خستهلر ایله غزه زولاغینا قاییدانلار باشقا چیخیشلارا باغلادی.
یهودی یئرلشیمجی-لرین، غربی اوردون یاشایان فیلیسطینلیلرین کندلرینه و مولکلرینه تشکیل ائتدیکلری سالدیریلار دا آرتیر.
یهودی یئرلئشیمجی-لر بو دفعه رام الله شهری یاخینلیغینداکی زیتون و اوزوم باغلارینا سالدیری ائدیب.
بو آرادا، فیلیسطین قورتولوش تشکیلاتینین باش کاتیبی و فیلیسطین باش موذاکره جی-سی صائب عریقات، حماسین ایسرائیلله تک طرفلی آتشکس تامین ائتمک تلاشلارینا سون وئرمهسینی ایستهدی.
فیلیستینلی بیر قروپون ایسرائیل ایله آتشکس گؤروشمهسی، تاریخده هئچ واخت اولمامیش بیر وضعیت". دئین عریقات، بونا یالنیز فیلیسطین قورتولوش تشکیلاتینین صلاحیتلی اولدوغونو مدافعه ائتدی.
ایسرائیل امنیت کابینه سینین،حماس ایله 6-جی ماددهده راضیلیغا گلدیگی ادعا ائدیلمیشدی.