قطردن تورکیه‌یه 15 میلیارد دو‌لارلیق یاتیریم
آل ثانی‌نین سوسیال مئدیا‌داکی بو پایلاشیمنی، پرزیدنت رجب طیب اردوغان و خاریجی ایشلر ناظیری مولود چاووش اوغلو دا اؤز حسابلاریندان یئنی‌دن پایلاشدی
قطر امیری شیخ تعمیم بن حمد آل ثانی، اوممتین پروبلم‌لری و قطرین یانیندا دایانان تورکیه‌نین و تورک قارداش‌لاری‌نین یانیندا اولماغا داوام ائده‌جک‌لرینی بیلدیریب.
قطر امیری آل ثانی، سوسیال مئدیا حسابین‌دان ائتدیغی پایلاشیمدا، تورکیه‌یه اولان دستگینی بیر داها وورغولاییب.
ثانی پایلاشیمیندا، "اوممتین پروبلم‌لری و قطرین یانیندا دایانان تورکیه‌نین و اورا‌داکی قارداش‌لاریمیزین یانینداییق. بو گون (دونن) ذات عالی‌لری پرزیدنت اردوغان ایله آنکارادا ائتمیش اولدوغوم اهمیت‌لی گؤروشمه‌لر چرچیوه‌سینده، محصولدار، گوجلو و دایانیق‌لی ایقتیصادا مالیک بو اؤلکه‌ده 15 میلیارد دو‌لار مبلغینده بیر امانت و یاتیریم پروژه‌لری پاکتینی چاتدیردیق." دئدی.
آل ثانی‌نین سوسیال مئدیا‌داکی بو پایلاشیمنی، پرزیدنت رجب طیب اردوغان و خاریجی ایشلر ناظیری مولود چاووش اوغلو دا اؤز حسابلاریندان یئنی‌دن پایلاشدی.
اردوغان ایله آل ثانی، دونن آنکارادا پرزیدنت کومپلکسینده بیر آرایا گلمیشدی. گؤروشمه ده قطر، تورکیه‌یه 15 میلیارد دو‌لارلیق یاتیریم پاکتینی سرعت‌لی حیاتا کئچیره‌جک‌لرینی بیلدیرمیشدی.
