پ‌کاکا اشغال ائتدیگی ساحه‌نی آرتیردی
ی.پ.گ/پ‌کاکا سوریه‌ده الینده توتدوغو ساحه‌نی گئنیشلتدی
اینسان‌لیق درامینین داوام ائتدیگی و ایچ ساواشین ۷.جی ایلینی دولدوردوغو سوریه‌ده، بؤلوجو ترور هؤرگوتو ی.پ.گ/پ‌کاکا، آمریکانین دستگی ایله اؤلکه تورپاقلاری اوزرین‌ده‌کی ایشغالینی سون ۴ آیدا یوزده ۲۵دن یوزده ۲۸ قدر گئنیشلندیردی.
۱۸ آوریل ایله ۸ آگوست تاریخلری آراسین‌دا دؤنمه دایر خریطه مکان اؤلچوملرینه گؤره، تخمیناً ۴ آی بویونجا بشار اسد رژیمینین و ی.پ.گ/پ‌کاکانین حاکمیت ساحه‌لرینی گئنیشلندیردیگی گؤرولدو.
۴ آی اول سوریه تورپاقلارینین یوزده ۵۸ینی کنترل ائد‌ن اسد رژیمی بونو یوزده ۱ آرتیردی. رژیم گوج‌لری، ۱۸۵ مین ۱۸۰ مربع کیلومتر بؤیوکلویون‌ده‌کی اؤلکه‌نین ۱۰۹ مین ۱۳۶ مربع کیلومترینه حاکم گؤرونور.
اسد رژیمی سون دؤورده آستانا آنلاشماسینی یئر یئر روسیانین دستگیله پوزاراق دوغو غوطه، درعا و قنیطره بؤلگه‌لرینی اله گئچیرمیشدی.
ی.پ.گ/پ‌کاکا ایسه، تورک سلاح‌لی گوجلرینین ۲۰ ژانویه‌ده باشلایان زیتون بوداغی عملیاتین‌دا عفرینی ایتیرمه‌سینین آردین‌دان، یوزده ۲۵لره گئریله‌یه‌ن تورپاق ایشغالینی، اؤلکه‌نین دوغوسوندا آرتیردی.
هؤرگوت، آمریکانین گوج‌لو هاوا دستگی ایله فرات چایینین دوغوسوندا ایر‌لیله‌دی و آوریل آیین‌دان بو یانا، ایشغالین‌داکی ساحه‌نی ۴۵ مین ۹۶۷ مربع کیلومتردن ۵۱ مین ۳۷۹ مربع کیلومتره قدر چیخاردی.
بئله‌لیکله ی.پ.گ/پ‌کاکانین سوریه‌ده الینده توتدوغو ساحه‌نین یوزده ۲۵دن یوزده ۲۷،۷یه یوکسلدی.
ایلگیلی‌لی خبرلر
روسیه عسگری خرجله‌مه‌لرینی بؤیوک اؤلچوده آرتیراجاق
اؤنوموزده‌کی ایل روسیه‌نین عسگری بودجه‌سی یوزده ۲۵ده‌ن چوخ آرتمیش اولاجاق
