ایراندا اعتراضلار یاییلیر

ایرانین مختلیف شهرلرین‌ده یوزلرجه اینسانین ایشتیراک ائتدیگی گؤستریلرده حیات باهالی‌لیغی و ارز قیمت‌لرین‌ده‌کی آرتیشا اعتراض ائدیلیر.

ایران مطبوعاتینا عکس اولونان خبرلره گؤره، مشهد شهرین‌ده تخمیناً یوز نفرلیک بیر قروپ گؤستری گئچیردی.

اؤلکه‌ده‌کی باهالی‌لیق و ارز قیمت‌لرین‌ده‌کی یوکسلیشه اعتراض ائد‌ن گؤستری‌چیلر، پلیسین مداخیله‌سی سونراسی داغیلدی.

دیگر طرف‌دن سوسیال مئدیادا یئر آلان گؤرونتولرده، اصفهان، شیراز و کرج شهرلرین‌ده ده یوزلرجه انسانین باهالی‌لیق و ارز قیمتلرین‌ده‌کی سرعت‌لی آرتیشا اعتراض ائتدیگی گؤرولدو.

گؤرونتولرده لاستیک یاندیردیقلاری گؤروله‌ن گؤستری‌چیلرین، رژیم علیه‌ینه شعارلار سسله‌ن‌دیرمه‌سی دقت چکدی.

یئر یئر پلیسین گؤستری‌چیلره مداخیله ائتدیگی حادثه‌لرده، بعضی ائیلمچیلر گؤزآلتینا آلیندی.

ارز قیمتلرینده‌کی آنی آرتیش اهالینین آلیجی‌لیق قابیلیتینی دوشورورکن ایش یئرلرینین اوست اوسته باغلاندیغی و ایشسیزلیین گئتدیکجه آرتدیغی ایران‌دا سوسیال مئدیا اوزرین‌دن "عمومی اعتصاب و اعتراض" چاغیریشلاری ائدیلیر.