حشد شعبییه عاید مهمات آنباریندا پاتلاما
سلاح و مهمات آنبارینین شیعه میلیس گوجو حشد شعبییه باغلی علی اکبر توغایلارینا عاید اولدوغو بیلدیریلدی
1016525
عراقین کربلا شهرینده حشد شعبییه عاید مهمات آنباریندا باش وئرهن پاتلامادا ۱۵ نفر یارالاندی.
عراق اوردوسوندان یوزباشی علا ناصر، وئردیگی آچیقلامادا، کربلا شهرینده بیر مهمات آنباریندا سببی هله معلوم اولمایان پارتلاما اولدوغونو دئدی.
سؤزوگئدن سلاح و مهمات آنبارینین شیعه میلیس گوجو حشد شعبییه باغلی علی اکبر توغایلارینا عاید اولدوغونو بیلدیرهن ناصر، "مهمات آنبارینین وطنداشلارا عاید یاشاییش بؤلگهسینه یاخین اولماسینا گؤره ۱۵ نفر یارالاندی. یارالیلارین هامیسی وطنداشلاردان عبارتدیر" دئدی.
ناصر، پارتلامانین سببی ایله باغلی آراشدیرما باشلادیلدیغینی، بؤلگهیه گیریش چیخیشلارین قاداغان اولوندوغونو و وطنداشلارین ائولریندن چیخمامالاری گؤستریشی وئریلدیگینی بیلدیردی.