روحانی، کابینه‌سینده دییشیکلیگه گئدیر
"ترامپ، روحانیدن ۸ دفعه گؤروشمه طلب ائتدی انجاق روحانی بو طلبلری قبول ائتمه‌دی"
ایرانین جمهورباشقانلیغی افیسی باشقانی محمود واعظی، آمریکا باشقانی دونالد ترامپین جمهورباشقانی حسن روحانیله گؤروشمک اوچون ۸ دفعه مراجعت ائتدیگینی، آنجاق رد ائدیلدیگینی آچیقلادی.
تهران‌دا باخانلار قورولو توپلانتیسی اؤنجه‌سی مطبوعاتا دانیشان واعظی، روحانینین اقتصاد قورمایلاری باش‌دا اولماقلا کابینه‌ده دییشیک‌لیک ائتمه‌یه حاضیرلاشدیغینی سؤیله‌دی.
نئچه باخانین دییشه جگینین هله معلوم اولمادیغینی بیلدیره‌ن واعظی،
"جمهورباشقانی، حکومت‌ده دییشیک‌لییه گئتمک اوچون مختلیف آدلار اوزرین‌ده چالیشیر" دئدی.
واعظی،
"بیر نئچه باخان دییشه‌جک. بو دییشیک‌لیکلر حاقین‌دا پرزیدنت بیانات وئره‌جک. بو دییشیک‌لیکلردن بیری ده حکومتین اقتصادی تیمینده اولاجاق" دئدی.
آمریکانین ایرانا قارشی یئریتدیگی سیاسته ده توخونان واعظی، اؤلکه‌سینین واشینگتون رهبرلیگی ایله موذاکیره ائتمک نیتینین اولمادیغینی بیلدیردی.
مذاکیره طلبینین داها اوللر آمریکادان گلدیگینی دیله گتیره‌ن واعظی،
"جمهورباشقانی روحانی، بیرلشمیش میلتلر تشکیلاتی باش قورولون‌دا ایشتیراک ائتمک اوچون نیویورکا گئتدیگی زامان ترامپ، روحانیدن ۸ دفعه گؤروشمه طلب ائتدی انجاق روحانی بو طلبلری قبول ائتمه‌دی" شکلین‌ده دانیشدی.
