عراقدا نجف هاوا لیمانی مسئوللاری وظیفه‌دن آلیندی
حیدر العبادی، ایکی گون اوّل گؤستریچی‌لرین باسا‌راق ایچری گیردیگی و حاقیندا اونلارجا روشوت ادعاسی اولان نجف هاوا لیمانی‌نین مسئوللارینی وظیفه‌دن گؤتوردو
عراقین جنوبوندا خیدمت محدودیت‌لری، روشوت و یاسادیشی و الکتریک کسیلمه‌لرینه قارشی داوام ائدن گؤستریلریندن سونرا نجف هاوا لیمانی مسئوللاری وظیفه‌دن آلیندی.
عراق باش ناظیرین اوفیسین‌دن آلینان معلوماتا گؤره باش ناظیر حیدر العبادی، ایکی گون اوّل گؤستریچی‌لرین باسا‌راق ایچری گیردیگی و حاقیندا اونلارجا روشوت ادعاسی اولان نجف هاوا لیمانی‌نین مسئوللارینی وظیفه‌دن گؤتوردو.
عبادی‌نین، گؤساری‌لرین باشلادیغی بصره‌ده خالقین طلب‌لری‌نین یئرینه یئتیریلمه‌سی اوچون بودجه تاسیس ائتدیگی ده قئید اولونوب.
عراق پرزیدنتی فواد معصوم دا ائتدیگی آچیقلامادا، حکومته گؤستریچی‌لرین قانونی طلب‌لرینه آچیلان قولاق وئرمه‌یه چاغیریب.
بغدادین شعله و حبیبیه منطقه‌لرینده وطنداش‌لار کوچه‌یه چیخا‌راق، خیدمت چاتیشمازلیغین‌دان اؤتورو شخص‌لری ایستعفایا چاغیریب.
بغدادین مرکزی تحریر میدانیندا توپ‌لانان بیر قروپ گؤستریچی ده حاکمیت علیهینه شعارلار آتا‌راق، ایستعفا چاغیریشی ائتدی.
پایتختده امنیت تدبیرلری چرچیوه‌سینده، نیظامی کومنرول نقطه‌لری‌نین سایی آرتیریلارکن، حکومت بینا‌لاری‌نین یئرلشدیگی یاشیل بؤلگه اطرافینا چوخ سایدا تقویه گوج گؤندریلیب.
دیگر طرف‌دن، عراق ایرتیباط ناظیرلیگی حیاتا کئچیریلن اینترنت ایستیفاده ائتمه یه مانع ده داوام ائدیر.
ایرتیباط ناظیرلیگی سؤزچوسو محمد، اینترنته گیرمه نین اؤلکه‌نین جنوبون‌داکی میثان شهرینده آلت یاپی یا وئریلن ضرردن قایناقلانان اولدوغونو ایره‌لی سوردو.
محمد، اینترنت خیدمتی‌نین نه واخت وئریله جگی باره‌ده ایسه هر هانسی معلومات پایلاشمادی.
ایلگیلی‌لی خبرلر
تورکیه اوردوسو عراق و سوریه-ده 17 ترورچونو ضررسیزلشدیریلیب
عراق و سوریه-نین قوزئیینده بولوجو ترور تشکیلاتی پ.کا.کا-یا عاید 17 ترورچو ضررسیزلشدیریلیب.
آذربایجان و ائرمنیستان آراسیندا باریش دانیشیق‌لاری باشلاییب
قازاخیستانین آلماتی شهرینده آذربایجان و ائرمنیستان آراسیندا باریش دانیشیق‌لاری باشلاییب.
