ان آز ۴۰ عسگر اؤلدورولدو
عسگرلر بؤلگهدن چکیلمک مجبوریتینده قالدی
آمریکا اؤنجولوگوندهکی اولوسلارآراسی کوالیسیون، سوریهنین قوزئی دوغوسونداکی دیرالزور ائلینده اسد رژیمینه عاید هدفلری وورارکن، سالدیریدا ان آز ۴۰ رژیم عسگری اؤلدو.
دیرالزورا باغلی ابو کمال ناحیهسی اطرافینداکی رژیم گوجلری، فراتین دوغوسوندا یئرلشن و ترور هؤرگوتو داعشین کنترلونداکی هجین ناحیهسینه ایرلیلهمهیه چالیشدی.
رژیم عسگرلری، فرات چایی اوزرینده قارشییا گئچمک اوچون سیار کؤرپو قوراراق هجینین اطرافینا چاتدی.
رژیم گوجلری هجینین اطرافینا یئرلشدیکدن بیر نئچه ساعات سونرا کوالیسیون اوچاقلارینین شدتلی سالدیریسینا معروض قالدی.
سالدیریدا آرالاریندا اوست سویه رژیم سوبایلارینین دا اولدوغو ان آز ۴۰ رژیم عسگری حیاتینی ایتیردی، دیگرلری ایسه بؤلگهدن چکیلمک مجبوریتینده قالدی.
آیریجا کوالیسیون اوچاقلاری، رژیمین فیراتی گئچمک اوچون قوردوغو سیار کؤرپونو ووردو.