"مرکزی بانکین سهوی"
تورکان، مرکزی بانکین اؤلکه‌ده‌کی دلاری ۴ مین ۲۰۰ تومنه ثابتله‌مک‌ده گئج قالدیغینی بیلدیردی
ایران پرزیدنتی حسن روحانینین مشاویری اکبر تورکان، ارز بازارلارین‌داکی دالغالانمالارین مرکزی بانکین سهولرین‌دن قایناقلاندیغینی سؤیله‌دی.
تورکان، مرکزی بانکین اؤلکه‌ده‌کی دلاری ۴ مین ۲۰۰ تومنه ثابتله‌مک‌ده گئج قالدیغینی بیلدیردی.
ایرانین یاری رسمی آژانسی تسنیمه دانیشان تورکان، اؤلکه‌ده‌کی ارز بازارلارین‌دا باش وئره‌ن دالغالانمالاری دگرلندیردی.
تورکان، حکومتین ارزی ثابتله‌مه قرارینین گئچمیش ایللره عاید بیر پلان اولدوغونو قید ائد‌رک،
"مرکز بانکی ارز قیمتلرینی ثابیتله‌مه قرارینی ارته‌لیرک ارزین بو سویه‌لره گلمه‌سینه سبب اولدو" دئدی.
بونون، اینسانلارین بیریکیم ائتمه‌سی اوچون حیاتا کئچیریلمه‌دیگینی وورغولایان تورکان، بعضی ایران وطنداشلارینین اؤلکه‌ده‌کی مال وارلیقلارینی ساتاراق الده ائتدیکلری پولو تورکیه، گورجوستان و آذربایجان‌دا دلارا چئویریب یئنیدن ایرانا قاییتدیغینی دیله گتیردی.
تورکان، بعضی واردات‌چیلارین حکومتین وئردیگی دستک ایله دلاری ۴ مین ۲۰۰ تومندن آلدیغینی و وارد ائتدیگی محصولو سربست بازاردا ۸ مین ۱۰۰ تومن سویه‌لرین‌ده اولان ارز اوزرین‌دن بازارا سوردویونو بیلدیردی.
ایران‌دا تومنین دلار قارشی‌سین‌دا دیر ایتیرمه‌سینین قارشی‌سینین آلینماماسی اوزرینه دلار ۴ مین ۲۰۰ تومنه ثابتلنمیشدی.
