قطردن اوردونا 500 میلیون دو‌لارلیق یاتیریم و آلت یاپی دستگی
قطرین آیریجا10 مین اوردون‌لو گئنجه دوحه‌ده ایش ایمکانی تامین ائدجگی ده بیلدیریلیب
قطر سون گون‌لر گلیر وئرگی‌سی لاییحه‌سی و آرتیش‌لار سببیله اعتراضلارین باش وئردیگی اوردونا 500 میلیون دو‌لارلیق یاتیریم و آلت یاپی دستگی تقدیم ائدیب.
قطرین آیریجا10 مین اوردون‌لو گئنجه دوحه‌ده ایش ایمکانی تامین ائدجگی ده بیلدیریلیب.
قطر دیش ایشلر باکانلیغی رسمی اینترنت سایتین‌دان ائدیلن آچیقلامادا، اوردون کرا‌لی 2-جی عبدالله‌ین دون قطر خاریجی ایشلر ناظیری شیخ محمد بن عبدالرحمن آل ثانی ایله قطر مالیه ناظیری علی شریف العمادی‌یه امان‌دا قبول ائتدیگی قئید اولونوب.
آل ثانی‌نین کرال عبدلله‌ا قطر امیری شیخ تعمیم بن حمد آل ثانی سؤزلو بیر مساژ چاتدیردیغی قئید ائدیلدی.
گؤروشمه‌ده، اوردونا ایچین‌دن کئچدیگی چتین گون‌لرده 500 میلیون دو‌لار اولان یاتیریم و آلت یاپی دستگی تامین ائدجگی، همچینین اوردون‌لو 10 مین گنجین ده قطرده ایش تامین ائدیله‌جگی قئید ائدیلیب.
سعودی عربیستانی‌نین ائو صاحیبلیگینده اوردون‌ون ایچینده اولدوغو ایقتیصادی بحران‌دان چیخیش یول‌لارینی آراماق اوچون 11 ژوئن‌ده کویت، بیرلئشیک عرب امیرلیک‌لرین‌دن یوکسک سویه‌لی رهبرلرین قاتیلیمی ایله مکّه‌ده کئچیریلن ایجلاسدا اوردونا 2.5 میلیارد دو‌لارلیق ایقتیصادی یاردیم گؤستریلمه‌سی قرارا آلینمیشدی.
