"ایران و ایسراییللی مقاملار گؤروشدو"
ایرانلی و اسراییللی مقاملارین اماندا بیر هتلده گؤروشدوگو ادعا ائدیلدی
ایران و ایسراییللی مقاملارین، اردونون باشکندی اماندا ائتدیکلری گیزلی گؤروشمهده، "تهرانین سوریهنین گونئی باتیسینداکی چاتیشمالارا قاتیلماماسی" قونوسوندا آنلاشدیغی ادعا ائدیلدی.
عربیستانین لندن مرکزلی "ایلاف" قازئتهسینین، گؤروشمهده حاضر اولان بیر قایناغا دایاندیردیغی خبرده، ایرانین امان ائلچیسی مجتبی فردوسیپورون دا آرالاریندا یئر آلدیغی ایرانلی امنیت یئتکیلیلری ایله استخبارات سرویسی موساد باشقان یاردیمچیسینین دا آرالاریندا اولدوغو ایسراییللی مقاملارین، اماندا بیر هتلین فرقلی اوتاقلاریندا قوناقلادیغینی، طرفلر آراسینداکی مذاکیرهنین، مئساژلاری داشییان اردونلو بیر آراچی طرفیندن یئریلدیلدیگی ایفاده ائدیلدی.
خبرده، دولایلی مذاکیرهنین قونوسونون سوریهنین گونئی باتیسیندا، اؤزللیکله ده درعا و القنیطره شهرلرینده چیخماسی گؤزلهنیلن چاتیشمالار اولدوغو بیلدیریلهرک، "گؤروشمه سونوجو ایرانین یانی سیرا، لبنان حزباللهی و دیگر شیعه قروپلارین، سؤزوگئدن بؤلگهده اسد رئژیمی گوجلری ایله موخالیفلر آراسیندا میدانا گلمهسی گؤزلهنیلن چاتیشمالارا ایشتیراک ائتمهمه و اردونون دا سرحدلرینی کئچیشلره قارشی قوروماسی یولوندا آنلاشدی" ادعالارینا یئر وئریلدی.
ایسراییللی مقاملارین، ایشغال اولونموش جولان تپهلری و ایسراییل سرحدینه یاخین بؤلگهده چیخماسی گؤزلهنیلن چاتیشمالارا ایران و حزباللهین قاتیلماماسی حالیندا اؤزلرینین ده مداخیله ائتمهیهجیینی سؤیلدیکلری قید ائدیلهن گؤروشمهده، ایسراییللیلرین، امان آنلاشماسینین سرعتله گرچکلشمهسیندن دولایی تعجبلندیکلری بیلدیریلدی.
خبرده آیریجا، سؤزوگئدن گؤروشمه اوچون "غریبه و گرچکچی اولمادیغی" شکلینده قیمت وئریلهرک، ایسراییلین سوریهیه یؤنهلیک سون سالدیریلاریندا ایتکیلری اولان تهرانین، سوریهده داها چوخ ایتکی وئرمهمه و باسقیلارا معروض قالماماق اوچون گونئی باتیدا اسد گوجلری ایله مخالیفلر آراسیندا یاخین زاماندا چیخماسی گؤزلهنیلهن چاتیشمالارا ایشتیراک ائتمهمهیی قبول ائتدیگی ساوونولدو.
بو گؤروشمهنین روسیانین بیلگیسی داخیلینده اولدوغو وورغولانان خبرده، درعا و قنیطرهده چیخاجاق چاتیشمالارا ایران و حزباللهین ایشتیراک ائتمهیهجگینه دایر روسیانین ضمانت وئردیگی ادعا ائدیلدی.