ایروان‌دا حیات دورما نقطه‌سینه گلدی

ارمنیستان‌دا مخالیف حرکتین لیدئری نیکول پاشینیانین، باشباخان سئچیلمه‌مه‌سیندن سونرا ائتدیگی چاغیریش اوزرین‌ده باشلایان اعتراضلار سببیله ایروان‌دا حیات دورما نقطه‌سینه گلدی.

یئرلی ساعاتلا ۰۸.۱۰دان اعتباراً حرکته گئچن پاشینیان طرفدارلاری، شهرین بوتون جاده گیریشلرینی واسطه‌لرله و یا اوتوراراق ترافیکه قاپاتدی.

ایروانا گیریش-چیخیش یوللارینی دا باغلایان اعتراضچیلارین هاوا لیمانینا گئدن مسیری ده کسمه‌سی اوزرینه چوخ ساییدا انسان هاوا لیمانینا یئریرک گئتمک مجبوریتینده قالدی.

بو آرادا پاشینیان طرفدارلارینین توپلو داشیما واسطه‌لرینین ایشینی انگلله‌دیگی بیلدیریلیر.

یوللارین باغلی اولماسی، اتوبوسلارینین و مترونون ایشله‌مه‌مه‌سی، چوخ سایی‌دا ایشله‌یه‌نین ایش یئرلرینه چاتماماسینا دا یول آچدی.

اعتراضلارا باخمایاراق، بانکلار و دؤولت ایداره‌لری عادی ایش سیستملرینه داوام ائدرکه‌ن، پاشینیانین اعتراض چاغریسینا اویاراق ایشه گئتمه‌یه‌ن چالیشانلار دا وار.

دیگر طرف‌دن، آکسییالارا دستک وئره‌ن ایروان‌داکی بیر چوخ دوکان و ایش یئری ده باغلی دورومدا.

ارمنیستان‌دان گورجوستانا و ایرانا گئدن یوللارین دا پاشینیان طرفدارلاری طرفیندن باغلاماسین‌دان دولایی ایکی اؤلکه‌یه گیریش و چیخیشلارین دوردوغو بیلدیریلیر.

بو آرادا مخالیف حرکتین لیدئری نیکول پاشینیان دا اعنراضلارا خانیمی ایله ایشتیراک ائدیر.

پاشینیان، حادثه‌لرین بؤیومه‌سینه حاضرلیق‌لی اولدوغونو قید ائد‌رک، پلیسین مداخیله ائتمه‌سی حالین‌دا اؤزونون و طرفدارلارینین قارشیلیق وئرمه‌یه‌جیینی بیلدیردی.