ایران پاکیستانا گاز داشییاجاق خطده داخیل اولماق ایستییر
حمید رضا عراقی، موبادیله دییشیکلیگی تملی اساسیندا تورکمنیستان گازینی پاکیستانا چاتدیرماغا حاضیر اولدوقلارینی دئییب
ایران، تورکمنیستاندان پاکیستانا گاز داشییاجاق خطده داخیل اولماق ایستییر.
ایران انرژی ناظیرینین معاوینی و میللی گاز شیرکتینین ایجراچی دیرکتورو (NICC) حمید رضا عراقی، موبادیله دییشیکلیگی تملی اساسیندا تورکمنیستان گازینی پاکیستانا چاتدیرماغا حاضیر اولدوقلارینی دئییب.
حمید رضا عراقی، تورکمنیستان-افغانیستان-پاکیستان-هیندیستان (TAPI) گاز کمری لپزوژهسینین حیاتا کئچیریلمهسیندن ده شوبهه ائتدیکلرینی بیلدیریب.
عراقییه گؤره ایران تورکمن گازینی موبادیله یولو ایله پاکیستانا تداروک ائتمگی مومکون اولان ان قیسا مدتده باشلایا.
ایرانلی مسئول، بؤلگهدکی موقعیتی سببیندن ایران، اطرافینداکی هر هانسی بیر گاز کمری پروژهسینه قوشولا بیلر" دئدی.
داها اوّل، ایران موبادیله عملیاتلاری یولو ایله، تورکمنیستان گازینی آذربایجانا چاتدیریردی.
جنوب بؤلگهلرینده بؤیوک طبیعی گاز یاتاقلارینا صاحب اولان ایران، بونا باخمایاراق 1997دن بو یانا شمال بؤلگهلری اوچون تورکمنیستاندان گاز ایدخال ائدیر.