ارمنیستانین باش ناظیری سرژ سرکیسیان ایستعفا وئردی
سرکیسیان وئردیگی آچیقلامادا، "اؤلکهیه باریش و نظمه گلمهسی آدینا وظیفه ده آیریلیرام"- دئدی
ارمنیستانین باش ناظیری سرژ سرکیسیان، 10 گون داوام ائدن میتینگلرین آردیندان ایستعفا وئردی.
سرکیسیان وئردیگی آچیقلامادا، "اؤلکهیه باریش و نظمه گلمهسی آدینا وظیفه ده آیریلیرام"- دئدی.
سرژ سرکیسیان، ایکی دؤورونون سونونا گلدیگی پرزیدنتیندن سونرا باش ناظیر اولماق نیتینین اولمادیغینی ایفاده ائدیر، لاکین چرشنبه آخشامی گونو پارلامنتده باش ناظیر سئچیلمیشدی. سرکیسیانین ایستعفا ائتمهسینی ایستهین خالق اعتراض گؤسترینه باشلامیشدی.
گؤستریلرین باشیندا موخالیف لیدر نیکول پاشینیان، باش ناظیر سرژ سرکیسیان ایله بیر تلویزیون پروقرامیندا بیر آرایا گلمیش، سرکیسیان، موخالیفتی "شانتاژ ائتمکله" گوناهلاندیریب یاییمی ترک ائتمیشدی.
بو گون ارمنیستانین پایتختی ایرواندا نیظامی پالتارلی یوزلرله اینسان حکومت علیهینه اعتراضلارا قاتیلدی. ارمنیستان ساوونما ناظیرلیگیندن ائدیلن آچیقلامادا، اعتراضلارا قوشولان عسگرلر حاقیندا آغیر تدبیرلر آلیناجاغی قید اولونوب.
ایلگیلیلی خبرلر
حوثی لر:"ایسراییل گمیسینی ووردوق"
یمن-دهکی حوثی لر عدن کؤرفزینده ایسراییل گمیسینی ووردوقلارینی بیلدیریبلر.