ایراندا عرب اهالینین یاشادیغی خوزستان ایالتینده تخمینن 150 نفر توتوخلانیب
ایراندان یایینلانان "عصر ایران" آدلی خبر سایتینا گؤره، اهواز میللت وکیلی جواد کاظم الباجی، خوزستان ایالتینده دولت تلویزیونوندا یاییملانان بیر پروقراما اعتراض اولاراق کئچیریلن اعتراض گؤستریلرینده تخمینن 150 نفرین نظارته آلیندیغینی دئییب
ایراندا عرب اهالینین یاشادیغی خوزستان ایالتینده سون هفتهلرده کئچیریلن اعتراض گؤستریلری زامانی تخمینن 150 نفر توتوخلانیب.
ایراندان یایینلانان "عصر ایران" آدلی خبر سایتینا گؤره، اهواز میللت وکیلی جواد کاظم الباجی، خوزستان ایالتینده دولت تلویزیونوندا یاییملانان بیر پروقراما اعتراض اولاراق کئچیریلن اعتراض گؤستریلرینده تخمینن 150 نفرین نظارته آلیندیغینی دئییب.
ایالتدکی اعتراض گؤستریلارینین باریش اولدوغونو، میتینگلر زامانی هئچ بیر چاتیشما باش وئرمدیگینی بیلدیرن الباجی، "اعتراضچیلار هئچ بیر شکیلده اؤلکهنی بحرانا سوروکلمک، یا دا رژیمه ضرر وئرمک مقصدینده دئییللر. یالنیز ایرانلی اولدوقلارینی و بو اؤلکهنی سئودیگینی دئییرلر." دئدی.
ایران دولت تلویزیونوندا گؤستریلن "قیرمیزی باشلیق" آدلی بیر اوشاق پروقرامینین 22 مارسدا یاییملانان بؤلومونده اؤلکهدکی خالقلارین اتنیک کیملیگینی گؤسترن بیر نقشهده عربلره یئر وئریلممهسی اؤلکهدکی عربلر طرفیندن "عرقچیلیک و آیری-سئچکیلیک" کیمی قیمتلندیریلهرک تپکی توپلامیشدی. باشدا اهواز اولماقلا خوزستان ایالتینده شهرلر گونلرله داوام ائدن اعتراض گؤستریلرینه صحنه اولموشدو.