ایران-دا بانک سیستمیندن کنار ارز ترانسفری قاداغان ائدیلدی

ایرانین "اقتصاد آنلاین" سایتیندا چیخان خبره گؤره، ایران مرکزی بانکی‌نین صدر معاونی سید احمد عراقچی اؤلکه‌سینده بانک سیستمیندن کناردا ارز ترانسفرینین قاداغان ائدیلدیگینی سؤیله‌ییب. او دئییب: "ارز ایله باغلی بو آلقی-ساتقی قراری پول بازاریندا ثابت‌لیک یارانانا قدر داوام ائده‌جک. قرار اؤلکه ایقتیصادیاتی‌نین شفاف‌لیغی، سرمایه و قاچاقچیلیغا قارشی موباریزه مقصدیله وئریلیب. بونونلا بئله، 10 مین یورو و بوندان آرتیق ارزی اولان‌لار دا پول‌لارینی بانکا دئپوزیت اولا‌راق امانت قویماق مجبوریتینده‌دیر".

قئید ائدک کی، ایران-دا سون گون‌لر گؤزلنیلمز شکیلده یوکسه‌لن ارز مزننه‌سی‌نین سرعتینی آزالتماق اوچون حکومت سربست بازاردا 6 مینه قالخان دو‌لار قیمتینی آرتیق 4200 تومن اولا‌راق ایستابیللشدیریب.