روحانی تلگرام ایله باغلی تعلیمات وئردی
ایران پرزیدنتی حسن روحانی تلگرام باشدا اولماقلا، اؤلکه‌ده ایستیفاده ائدیلن خاریجی مئساژلاشما تطبیق‌لری‌نین اینحصارلاشمانین قارشی‌سی‌نین آلینماسی ایله باغلی تعلیمات وئردی.
ایران پرزیدنتی حسن روحانی تلگرام باشدا اولماقلا، اؤلکه‌ده ایستیفاده ائدیلن خاریجی مئساژلاشما تطبیق‌لری‌نین اینحصارلاشمانین قارشی‌سی‌نین آلینماسی ایله باغلی تعلیمات وئردی.
ایران دؤولت تلویزیونونا موصاحیبه وئرن سانال عالم عالی شوراسی‌نین باش کاتیبی ابوالحسن فیروزابادی اؤلکه‌نین پرزیدنتی‌نین تلگرامی قاداغان ائتمک عوضینه یئرلی تطبیق‌لرین اینکیشاف ائتدیریلمه‌سی ایله اینحصارلاشمانین قارشی‌سی‌نین آلیناجاغی‌نین داها مقصده اویغون اولدوغونو دوشوندوگونو بیلدیردی.
تلگرامین عنوانینا آغیر اتهام‌لار یؤنلدن فیروزابادی تلگرامین سانال کریپتو پول واحیدلری ایله عملیات آپاردیغینی، پیرامیت سیستمینه اساس‌لانان بیر شیرکته چئوریلدیگینی سؤیله‌دی.
فیروزابادی:"تلگرام هئچ واخت ایران-دا نماینده‌لیک آچمادی، اؤزل سئکتورلا امکداش‌لیق ائتمه‌یه جهد گؤسترمه دی. تلگرام اؤلکه‌دکی اؤزل سئکتورون دوشمنی‌دیر، مقصدی ایرانین میللی پولونو ضعیفلتمک‌دیر" دئدی.
فیروزابادی "سروش" آدلی یئرلی بیر پروقرام حاضیرلاندیغینی خاطیرلاتدی.
قئید ائدک کی، ایران پرزیدنتی حسن روحانی موضوع ایله علاقه‌دار: "یئرلی پروقرام‌لارین و مئساژلاشما تطبیق‌لری‌نین اینکیشافین‌داکی مقصدیمیز قاداغا دئییل، اینحصارلاشمانین قارشی‌سینی آلماق‌دیر"دئییب.
80 میلیون اها‌لی‌سی اولان ایراندا تخمینن 40 میلیون اینسان تلگرام‌دان ایستیفاده ائدیر.
