اسحاق جهانگیری عراق-دا رسمی سفرده دیر

عراق-دا رسمی سفرده اولان ایران جمهور باشقانی‌نین بیرینجی معاوینی اسحاق جهانگیری پایتاخت بغداد-دا عراق-ین جمهور باشقانی فواد معصوم ایله گؤروشدو.

ایراق جمهور باشقانلیغیندان وئریلن معلوماتا گؤره، معصوم ایله جهانگیری‌نین سلام ساراییندا کئچیردیگی گؤروشده ایکی اؤلکه آراسیندا سیاسی، تیجاری علاقه‌لر، ترورلا موباریزه و انرژی ساحه‌سینده امکداش‌لیق مسئله‌لری موذاکیره اولونوب.

عراق و ایران خالق‌لاری آراسینداکی تاریخی دوستلوق علاقه‌لرینه توخونان معصوم ایکی اؤلکه آراسینداکی علاقه‌لرین بوتون ساحه‌لرده اینکیشاف ائتدیریلمه‌سینه دقت چکیب.

عراق جمهور باشقانی تهلوکه‌سیزلیک قوه‌لری‌نین ترور تشکیلاتی داعش اوزرینده غلبه قازانماسیندان سونرا هر ایکی اؤلکه آراسیندا هم رای لیگین یئنی بیر مرحله‌یه قدم قویدوغونو قئید ائدیب.

معصوم ایکی اؤلکه‌نین ترورلا موباریزه مسئله‌سینده، نفتین قیمتی و انرژی ساحه‌سینده داها چوخ امکداشلیغا احتیاجی اولدوغونو سؤیله‌ییب.

قئید ائدک کی، ایران جمهور باشقانی‌نین بیرینجی معاوینی اسحاق جهانگیری اؤتن گون بغدادا رسمی سفر ائدیب و عراق باش ناظیری حیدر العبادی ایله گؤروشوب.