ایرانلی دین آداملارینی تنقید ائتدی

عراقین نجف شهرین‌ده‌کی شیعه دین آدامی آیت‌الله محمد اسحاق فیاض، ایران‌لی دین آداملارینین دؤولتله چوخ یاخین ایلیشکی ایچین‌ده اولماسینی تنقید ائد‌رک، بو وضعیتین دین آداملارینین مستقیللیگینی تهلوکه‌یه دوشوردوغونو سؤیله‌دی.

ایران اؤیرنجی خبر آژانسیندا (ایسنا) یئر آلان خبره گؤره، افغانستان اصیل‌لی دین آدامی آیت‌الله فیاض بیر چیخیشین‌دا، قوم حؤوزه‌سینین ایران دؤولتیله چوخ ایچ ایچه اولدوغونو، بونون دا دین آداملارینین مستقیللیگینی تهلوکه‌یه سالدیغینی بیلدیردی.

فیاض، نجف شهرین‌ده‌کی حؤوزه‌یه ده حکومتین مالی یاردیم ائتمک ایستگی اولدوغونو آنجاق، دین آداملارینین دؤولت‌دن یاردیم آلماق مسئله‌سین‌ده ایستک‌لی اولمادیغینی و بونو قبول ائتمه‌یه‌جکلرینی دیله گتیردی.

دؤولت‌دن یاردیم آلینماسینین دین آداملارینین مستقیللیگینی تهلوکه‌یه دوشورجگینی وورغولایان فیاض، ایرانین دینی مرکزی ساییلان قوم شهرین‌ده‌کی دین آداملارینین مستقیل‌لیگی مسئله‌سین‌ده تدبیرلر آلینماسی لازیم اولدوغونو ایفاده ائتدی.