عربیستان تاریخینده بیر ایلک داها
"سیزی و بورادا اولانلارین هامیسینی عربیستانا دعوت ائدیرهم"
عربیستانین تاریخینده ایلک دفعه بیر کرالیت منسوب، قبطی کلیسهسینی زیارت ائتدی.
مصرده اولان عربیستانین ولیعهدی محمد بن سلمان، قاهیرهدهکی مصر قبطی کلیسهسینی زیارت ائدرک، پاپ II.جی تاوادروس ایله گؤروشدو.
کلیسه طرفیندن وئریلن یازیلی آچیقلامادا، ولیعهد محمدین قبطی لیدئر پاپ II.جی تاوادروس ایله گؤروشدویو و بونون عربیستانین قورولدوغو ۱۹۳۲.جی ایلدن بو یانا بیر ایلک اولدوغو قید ائدیلدی.
گؤروشمهده قبطی لیدئر تاوادروس، "عربیستانداکی سون گلیشمهلری بگهنی ایله ایزلهییریک" دئدی.
کلیسه رسمی سؤزچوسو بولیس حلیم، ولیعهد محمدین، قبطی لیدئر تاوادروسا خطابا، "سیزی و بورادا اولانلارین هامیسینی عربیستانا دعوت ائدیرهم" دئدیگینی ایفاده ائتدی.
گؤروشمهده عربیستانین ولیعهدی، اؤتن ایللرده میدانا گلن کلیسه سالدیریلاریندا حیاتینی ایتیرهنلر سببی ایله باشساغلیغی دیلهدی.
ولیعهد محمد، الازهر شیخی احمد ااطیب ایله ده گؤروشدو.
ولیعهدین سفرینده، آیریجا، مصر و عربیستان آراسیندا ۱۶ میلیارد دلارلیق یاتیریم فوندونون دا قورولماسینی ایچرن ۴ آیری آنلاشما ایمضالاندی.
ایلگیلیلی خبرلر
ایسرائیلین لبنانا سالدیریلاریندا اؤلنلر وار
ایسرائیل گوجلری بو سحر ده، اؤلکهنین جنوبونا توپچو آتیشییلا هوجوم تشکیل ائتدی