احمدی‌نژاددان خامنه‌ای‌یه آچیق مکتوب
مکتوب‌دا احمدی‌نژاد، خامنه‌ای‌دن جمهورباشقانلیغی، پارلمان و یارغی ارکینین یئنیلنمه‌سینی ایسته‌دی
ایران اسکی جمهورباشقانی محمود احمدی‌نژاد، اؤلکه‌نین دینی لیدئری علی خامنه‌ای‌یه بیر مکتوب یازاراق سئچیملرین "اؤزگور بیر اورتامدا" گئچیریلمه‌سینی طلب ائتدی.
اسکی پرزیدنته یاخین‌لیغی ایله بیلینن "دولت بهار" آدلی اینترنت سایتین‌دا یئر وئریلن مکتوب‌دا احمدی‌نژاد، خامنه‌ای‌دن جمهورباشقانلیغی، پارلمان و یارغی ارکینین یئنیلنمه‌سینی ایسته‌دی.
احمدی‌نژاد مکتوبون‌دا، یارغی ارکی ایله ایلگیلی دییشیمه گئدیلمه‌سی، گئچمیش ایللرده تنقید و اعتراض کیمی سببلرله حبس اولونانلارین سربست بوراخیلماسی، ائدیلن بوتون شکایتلرین ده دوشورولمه‌سی لازیم اولدوغونو بیلدیردی.
خامنه‌ای‌نین، وطنداشلارین طلبلرینه قولاق وئریلمه‌سی و پروبلئملرینین آرادان قالدیریلماسی یولوندا بازار گونو ائندیگی دانیشماسینا توخونان احمدی‌نژاد، باش وئره‌ن چتین‌لیکلرین آرادان قالدیریلماسی اوچون خالقین سئچیمینی "اؤزگورجه" ائده‌بیلمه‌سینین "عاجل بیر ضرورت" اولدوغونو ایفاده ائتدی.
علی خامنه‌ای‌نین "عدالت مسئله‌سین‌ده گئری قالدیق" آچیقلاماسینا دا ایشاره ائد‌ن احمدی‌نژاد، یارغی ارکینده‌کی دییشیکلیین "عاجل" دوروم حالینی آلدیغینی و بو مسئله‌ده آتیلاجاق آددیملارین "مظلوملارین اعاده‌ی اعتبارینا" و "سیاسی اصلاحاتلارین آپاریلماسینا" زمین یاراداجاغی فیکرینی بیلدیردی.
