داعش یئنی ویدئودا قادین تروریستلری تانیتدی
سون ویدئودا، بد‌نلری، اوزلری تامامیله قاپالی قادین ساواشچیلار، جبهه‌ده کیشی تروریستلرین یانین‌دا گؤرونور
ترور هؤرگوتو داعش، ایلک دفعه قادین تروریستلری تانیتدیغی بیر ویدئو یاییدی.
ویدئودا سوریه‌نین دوغوسوندا هؤرگوت عضوو کیشیلرله بیرلیک‌ده جبهه‌ده اولان قادینلار یئر آلیر.
قان‌لی هؤرگوت، اکتبر آیین‌دا وئردیگی بیر آچیقلامادا، "چاتیشما‌لارین چوخلوغو سببی ایله قادینلارین دا آرتیق جهادا قوشولماسینین ضروری حالا گلدیگینی" بیلدیرمیش و قادین تروریستلری جبهه‌یه چاغیرمیشدی.
بو آچیقلاما‌دان اول هؤرگوتون قادینلاردان ایستدیگی، ارلرینه خیدمت ائتمه‌لری و ده یئنی جهاد‌چی نسیللر یئتیشدیرمه‌لری.
۷ فوریه‌ده یایینلانان بو سون ویدئودا، بد‌نلری، اوزلری تامامیله قاپالی قادین ساواشچیلار، جبهه‌ده کیشی تروریستلرین یانین‌دا گؤرونور.
بی‌بی‌سی ایزلمه سرویسینین، ویدئونون جهاد‌چی‌لار ایچینده دارتیشما یاراتماسینین حتمی گؤروندویونو بیلدیریر.
القاعده ایللردیر، "آشاغیلانما، تجاوز، ایشگه‌نجه و دوشمه‌نلر طرفین‌دن اؤلدورولمه کیمی احتیماللاری آرادان قال‌دیرماق آدینا" قادینلارین ساواشا قوشولماسینا قارشی چیخیر.
