ایران‌دان تورکیه یورومو
"تورکیه ایله ایلیشکی‌لریمیز اوولکی ایللره گؤره داها یاخشی بیر سویه‌یه گلدی"
ایران خاریجی ایشلر باخانلیغی سؤزچوسو بهرام قاسمی، اؤلکه‌سی ایله تورکیه ایلیشکیلرینین قاباقکی ایللره نیسبتا داها یاخشی بیر سویه‌یه گلدیگینی سؤیله‌دی.
قاسمی، ایرانین تسنیم خبر آژانسیندا یئر آلان آچیقلاماسین‌دا، اؤلکه‌سینین تورکیه و بؤلگه دؤولتلری ایله ایلیشکیلرینه دایر دگرلندیرمه‌لر وئردی.
آچیقلاماسین‌دا بؤلگه دؤولتلرین‌دن روسیا، آذربایجان، گورجوستان، ارمنیستان، پاکیستان، افغانیستان و قافقازداکی اؤلکه‌لرله ایلیشکیلرینه توخونان قاسمی، بو آشامادا اؤنمی ایرلیله‌ییشلرین اولوندوغونو بیلدیردی.
تورکیه ایله ده یاخین دیالوگ ایچینده اولدوقلارینا وورغو ائد‌ن قاسمی،
"تورکیه ایله ایلیشکی‌لریمیز اوولکی ایللره گؤره داها یاخشی بیر سویه‌یه گلدی. اؤتن ایللرده‌کی یانلیش آنلاشیلمالار آزالدیلدی. حاضردا تورکیه ایله چوخ یاخین ایلیشکی‌لریمیز وار".
قاسمی، سوریه و عراق‌دا باش وئره‌ن حادثه‌لرله ایلگیلی اولاراق دا داعشین بورالاردا بیتیریلمه‌سینین چوخ اؤنملی اولدوغونا ایشاره ائتدی.
کؤرفز اؤلکه‌لرین‌دن عمان، کویت و قطر ایله ده یاخین ایلیشکیلری اولدوغونو ایفاده ائد‌ن قاسمی، بؤلگه‌ده یالنیز عربیستان ایله پروبلئم یاشادیقلارینی سؤزلرینه علاوه ائتدی.
ایلگیلی‌لی خبرلر
ایراندا 5 ریشتر گوجونده زلزله
رضوی خراسان ایالتینین کاشمر بؤلگه‌سینده زلزله نتیجه‌سینده 4 نفر اؤلوب 120 نفر‌ده خسارت آلیب
