دونالد ترامپ و رکس تیلرسون، کابیلده دونن حیاتا کئچیریلن ترور سالدیریسینی قیناییب
آغ ائودن ائدیلن یازیلی آچیقلامایا گؤره رامپ، "آلچاقجاسینا سالدیرینی پیسلدیگینی" بیلدیریب و آمریکانین افغان خالقی‌نین و رهبرلیگینین یانیندا اولدوغونو بیلدیریب.
آمریکانین پرزیدنتی دونالد ترامپ و خاریجی ایشلر ناظیری رکس تیلرسون، افغانیستانین پایتختی کابیلده دونن حیاتا کئچیریلن ترور سالدیریسینی قیناییب
آغ ائودن ائدیلن یازیلی آچیقلامایا گؤره رامپ، "آلچاقجاسینا سالدیرینی پیسلدیگینی" بیلدیریب و آمریکانین افغان خالقی‌نین و رهبرلیگینین یانیندا اولدوغونو بیلدیریب.
ترامپ، آچیقلاماسیندا، "طالبانین وحشی‌لیگی غالیب گلمه‌یه‌جک. بوتون اؤلکه‌لر طالبانا قارشی قرار‌لی بیر آددیم آتما‌لی‌دیر" قیمتلندیرمه‌سینده اولوب.
خاریجی ایشلر ناظیرلیگین‌دن ائدیلن یازیلی آچیقلامادا ایسه تیلرسونون،
آمریکا، کابیل‌دکی وحشت‌لی سالدیرینی شدتله قیناییر. فیکیرلریمیز و دعا‌لاریمیز بو آلچاق سالدیریدا اؤلن‌لرین یاخین‌لاریلا برابردیر" ایفاده‌سینی ایشلتدیگی قید اولونوب.
طالبانین سیویل وطنداش‌لاری هدف آلماق اوچون عاجیل طیبی یاردیم ماشینی ایستیفاده ائتمیش اولماسی غیری-اینسانی بیر حرکت اولدوغونو قید ائدن تیلرسون، آمریکانین بو چتین گونونده افغان خالقی و رهبرلیگی ایله یاناشی دایاندیغینی دیله گتیردی.
افغانیستانین پایتختی کابیلده بومبا یوک‌لو عاجیل طیبی یاردیم ماشینییلا تشکیل اولونان سالدیریدا 95 نفر اؤلموش، 158 نفر ده یارالانمیشدی.
سالدیرینی ترور تشکیلاتی طالبان اوزرینه گؤتورموشدو.
