روحانی:"اعتراضلارین سببی یالنیز ایقتیصادی دئییل"
ایران پرزیدنتی حسن روحانی اعتراضلارین سببینین یالنیز ایقتیصادی اولمادیغینی سویلهدی.
ایران پرزیدنتی حسن روحانی اعتراضلارین سببینین یالنیز ایقتیصادی اولمادیغینی سویلهدی.
هر کسین ایرانلی رسمیلری تنقید ائتمهیه حاقی اولدوغونو سؤیلهین حسن روحانی سوسیال مدیایا قارشی قاداغالارین دا آرادان قالدیریلماسینی ایستدیگینی بیلدیردی.
روحانی ایران تسنیم خبر آژانسینا موصاحیبه وئردی.
روحانی دئدی کی، اینسانلارین سادهجه اقتصادی پروبلئملرله باغلی کوچهلره تؤکولدوگونو سؤیلهمک ایران خالقینا حقارت دیر. اعترضچیلارین عینی زاماندا اجتماعی و سیاسی ایستکلرینین اولدوغونو بیلدیردی.
محافظه کارلارین سوسیال مدیانین تامامیله قاداغان ائدیلمهسی طلبینی قبول ائتمیرم. خالقین حیات طرزینه و ایش دونیاسینا بیگانه قالماق اولماز.
دیگر طرفدن ایران پرزیدنتینین گوز آلتیندا اولان بوتون طلبهلرین آزاد ائدیلمهسینی ایستهدیگی آچیقلاندی.
ایرانلی بیر میللت وکیلی ایسه 22 یاشلی بیر طلبهنین حبس خانادا انتحار ائتدیگینی بیلدیردی.
قئید ائده ک کی، ایرانداکی گوستریلر زامانی 20 نفردن چوخ اینسان حیاتینی ایتیردی، مین دن آرتیق اینسان ایسه گوز آلتینا آلیندی.
گوستریلر رژیم طرفدارلارینین کوچه لره چیخماسیندان سونرا باشا چاتدی.
ایلگیلیلی خبرلر
تورکیه اوردوسو عراق و سوریه-ده 17 ترورچونو ضررسیزلشدیریلیب
عراق و سوریه-نین قوزئیینده بولوجو ترور تشکیلاتی پ.کا.کا-یا عاید 17 ترورچو ضررسیزلشدیریلیب.
آذربایجان و ائرمنیستان آراسیندا باریش دانیشیقلاری باشلاییب
قازاخیستانین آلماتی شهرینده آذربایجان و ائرمنیستان آراسیندا باریش دانیشیقلاری باشلاییب.