"خالقین اقتصادی، سیاسی و مدنی پروبلئملری وار"
جهانگیری، ۲۸ دسامبر ۲۰۱۷ده باشلایان و تخمیناً بیر هفته سورهن اعتراضلارلا باغلی دانیشدی
!["خالقین اقتصادی، سیاسی و مدنی پروبلئملری وار"](http://cdn.trt.net.tr/images/xlarge/rectangle/ad03/3ee6/0088/57beb51e9f8ba.jpg?time=1718831357)
ایران جمهورباشقانی بیرینجی یاردیمچیسی اسحاق جهانگیری، گؤزلنتیلری یئرینه یئتیریلمهیهن خالقین اقتصادی، سیاسی و مدنی پروبلملر یاشادیغینی سؤیلهدی.
اسکی پرزیدنت رفسنجانینین اؤلومونون ۱.جی ایلی موناسیبتی ایله تهرانداکی لیدئرلر کنفرانس سالونوندا دوزنلنن آنما پروگرامیندا دانیشان جهانگیری، ۲۸ دسامبر ۲۰۱۷ده باشلایان و تخمیناً بیر هفته سورهن اعتراضلارلا باغلی دگرلندیرمهلر وئردی.
جهانگیری، "خالقیمیزین اقتصادی، سیاسی و مدنی پروبلئملری وار. دارتیشمالار، قایغیلار و اعتراضلار ایرانین گلهجگی اوچوندور" دئدی.
"خالقین گؤزلنتیلری یئرینه یئتیریلمهدی" دئین جهانگیری،
"ارتباط یوللارینی آچیق توتمالیییق کی اعتراضلار شدت و نیفرته چئوریلمهسین. بو مسئله اؤلکه بیرلیگینه ضرر وئریر. دیالوگ، اؤلکه پروبلئملرینی حل ائتمک یولودور" شکلینده دانیشدی.
هاشمی رفسنجانینین خالقین پروبلئملرینی آنلایان بیر سیاستچی اولدوغونو قید ائدن جهانگیری، ایرانین عرب اؤلکهلری ایله ایلیشکیلرینین ان یاخشی اولدوغو زامانین، هاشمینین پرزیدنتلیگی دؤورونده اولدوغونو سؤزلرینه علاوه ائتدی.
ایراندا سیستمین مصلحتینی تشخیص شوراسی باشقانلیغینی یئریدن و ۱۹۸۹-۱۹۹۷ ایللری آراسیندا ایکی دؤور جمهورباشقانی اولان هاشمی رفسنجانی، ۸ ژانویه ۲۰۱۷ده حیاتینی ایتیرمیشدی.
ایلگیلیلی خبرلر
![ایراندا 5 ریشتر گوجونده زلزله](http://cdn.trt.net.tr/images/medium/rectangle/98d4/e940/663b/66727454865f5.jpg?time=1718831357)
ایراندا 5 ریشتر گوجونده زلزله
رضوی خراسان ایالتینین کاشمر بؤلگهسینده زلزله نتیجهسینده 4 نفر اؤلوب 120 نفرده خسارت آلیب