ایران-دا اعتراض آکسیالاری داوام ائدیر
ایرانین اصفهان استانینا باغلی نجف آباد شهرینده رژیم علیهینه تظاهرات لاردا آکسیاچیلارین پولیسه آتش ائتمهلری نتیجهسینده بیر پولیس اؤلدو، 3 پولیس ایسه یارالاندی.
ایرانین اصفهان استانینا باغلی نجف آباد شهرینده رژیم علیهینه تظاهرات لاردا آکسیاچیلارین پولیسه آتش ائتمهلری نتیجهسینده بیر پولیس اؤلدو، 3 پولیس ایسه یارالاندی.
ایران رادیو و تلویزیون قورومونونا باغلی گنج ژورنالیستلر جمعیتی خبر آژانسینین (YJC) معلوماتینا گؤره، نجف آباد شهرینده بیر گوستریجینین اوو تفنگی ایله تهلوکهسیزلیک قوهلرینه آتش ائتمهسی نتیجهسینده 4 پولیس امکداشی یارالاندی. یارالی پولیسلردن بیری داها سونرا حیاتینی ایتیردی.
ایرانین مشهد شهرینده اؤتن جومه آخشامی گونو هئچ بیر سیاسی پارتینین چاغیریشی اولمادان توپلاشان قروپ اؤلکهدکی اقتصادی وضعیته اعتراض ائتمک مقصدیله نوماییشلر کئچیرمهیه باشلادی. نوماییشلر رژیم علیهینه اعتراض آکسیالارینا چئوریلهرک موختلیف شهرلرده داوام ادیر.
بو آرادا محافظه کارلارا یاخینلیغی ایله تانینمیش رجا نیوز خبر سایتینین معلوماتینا گؤره، نجف آبادداکی اعتراض آکسیالاریندا اینقیلاب کئشیکچیلریندن ده، نوماییشچیلردن ده 2 نفر اولماقلا جمعی 4 نفر حیاتینی ایتیریب.
ایراندان خبر یایان سایت عصر ایران ایسه ایرانداکی رئژیم علیهینه نوماییشلرده اصفهان ویلایتینه باغلی قهدریجان قصبهسینین فرماندارین بینایا هوجوم ائدن آکسیاچیلاردان 5-نین اؤلدورولدوگونو بیلدیردی.