روسیا ساوونما باخانیندان ایلگینج بیلگیلر
شویگو، سوریه‌ده ۲۱۵ یئنی روس سلاحینین تست ائدیلدیگینی سؤیله‌دی
روسیا ساوونما باخانی سرگئی شویگو، سوریه‌ده‌کی تروریزمله مباریزه عملیاتلارین‌دا ۴۸ مین روس عسگرینین وظیفه یئرینه یئتیردیگینی بیلدیردی.
باخانلیق‌دا‌کی بیر توپلانتی‌دا دانیشان شویگو،
"سوریه‌ده ۴۸ مین روس عسگری وظیفه‌لی. ۱۴ مین‌دن چوخ عسگره دؤولت نشانی وئریلدی" دئدی.
روس هاوا گوجلری اوچاق‌لارینین عملیاتلارین داوام ائتدیگی ایکی ایل بویونجا ۳۴ مین سورتی حیاتا گئچیردیگینی ده بیلدیرن شویگو، اوزون منزیل‌لی هاواچیلیق بیریملرینین تروریستلره عاید اؤنملی هدفلری وورماق مسئله‌سین‌ده تجروبه قازاندیغینی ایفاده ائتدی.
شویگو، عملیاتلار زامانی ۲ مین ۴۸۰ نفری روسیادان، ۸۱۹ نفری هؤرگوت لیدئری اولماق اوزره توپلام ۶۰ مین ۳۱۸ تروریستین اؤلدورولدویونو سؤیله‌دی.
سوریه‌ده ۲۱۵ یئنی روس سلاحینین تست ائدیلدیگینی ده دئین شویگو، روسیا اوردوسونون تروریستلرین گونده ۳ میلیون دلار قازانماسینی تامین ائد‌ن گلیر قایناق‌لارینی یوخ ائتدیگینی بیلدیردی.
شویگو، پانتسیر-اس۱ موشک ساوونما سیستملرینین عملیاتلار زامانی ۱۶ ایها (اینسان‌سیز هاوا آراجی) و ۵۳ راکت‌آتار آتیشینی یوخ ائتدیگینی سؤیله‌دی.
سرگئی شویگو، روس مین تمیزله‌مه متخصصلرینین سوریه‌ده ۶ مین ۵۳۳ هکتارلیق بیر ساحه‌نی مینلردن تمیزلدیگینی بیلدیردی.
شویگونون آچیقلاماسینا گؤره، ۱۰۲۴ یاشاییش منطقه‌سی ده تروریستلردن قورتاریلدی.
شویگو، روس گمی و سوآلتی گمیلرینین ده سوریه‌ده‌کی تروریستلره عاید مؤوضعلره ۱۰۰ سالدیری، استراتژیک اوچاق‌لارینین دا ۶۶ ایله مین ۵۰۰ کیلومتر مسافه‌دن ۶۶ اوغورلو بومباردمان حیاتا گئچیردیگینی ایفاده ائتدی.
