کورد بؤلگه‌سینده‌کی گؤستریلرده اونلاجا اؤلو و یارالی وار
سلیمانیه شهر مرکزین‌ده باشلایان گؤستریلر داها سونرا بیر چوخ بؤلگه‌یه یاییلدی
عراق کورد بؤلگه‌سل رهبرلیگین‌ده یئر آلان سلیمانیه شهرینده باشلایان حکومت قارشیدی گؤستریلرده ۵ نفر اؤلدو، ۹۳ نفر یارالاندی.
سلیمانیه شهر مرکزین‌ده بعضی اؤیرتمنلرین گئجیکن آیلیقلار و مالی فساد علیه‌ینه دونن باشلایان اعتراضی قیسا مدت‌ده کوتلوی گؤستریلره چئوریلدی.
سلیمانیه شهر مرکزین‌ده باشلایان گؤستریلر داها سونرا بیر چوخ بؤلگه‌یه یاییلدی.
عراق باشباخانی حیدر العبادی، حادثه‌لر اوزرینه بیر آچیقلاما وئره‌رک،
"قوزئیده‌کی گؤستریلر، بؤلگه‌سل حکومتین یانلیش سیاستین‌دن قایناقلانیر. گؤستری‌چیلره ضرر وئریلمه‌سی حالین‌دا مداخیله ائدریک" دئدی.
عبادی، بغداددا هفته‌لیک مطبوعات کنفرانسیندا، مرکزی حاکمیتین وظیفه‌سینین، اؤلکه‌نین بوتونونو و هر یئرین‌ده‌کی وطنداشلارین جان و مال گوونلگیینی قوروماق اولدوغونو وورغولادی.
بؤلگه‌سل رهبرلیک گوونلیک گوجلرینی، گؤستری‌چیلره ضرر وئرمه‌مه‌یه چاغیران عبادی، وطنداشلارین گؤستری ایراده‌لرینین اللرین‌دن آلینماسینی قبول ائتمه‌دیکلرینی قید ائتدی.
عبادی، گؤستری‌چیلری ده دؤولت ماللارینا ضرر وئرمه‌مه‌یه چاغیردی.
