آذربایجان و ایران قودس مسئله سینده تورکیه ایله هم فیکیردیر
ممدیاروف دئدی کی، اوچ اؤلکه اولاراق امریکانین قودس قرارینی قبول ائتمیریک.
تورکیهنین خاریجی ایشلر ناظیری مولود چاووش اوغلو، آذربایجانین خاریجی ایشلر ناظیری ائلمار ممدیاروف و ایرانین خاریجی ایشلر ناظیری جواد ظریف آذربایجانین پایتاختی باکیدا کئچیریلن تورکیه، آذربایجان و ایران خاریجی ایشلر ناظیرینین اوچ طرفلی گؤروشونون 5-جی توپلانتی سیندان سونرا مطبوعات کنفرانسی تشکیل ائدیلیب.
ایسرائیل-فیلیسطین موناقیشهسینین ده توپلانتیدا گوندمه سالیندیغینی بیلدیرن ممدیاروف دئدی کی، اوچ اؤلکه اولاراق امریکانین قودس قرارینی قبول ائتمیریک. قودس موضوع سوندا ایران و تورکیه ایله همفیکیریک. امریکا بو قراری یئنیدن گؤزدن کئچیرمهلیدیر. بیز ایکی دؤولتلی حل یولونو دستکلییریک.
ایرانین خاریجی ایشلر ناظیری جواد ظریف ده اوچ طرفلی مکانیزمین اؤلکهلری اوچون تأثیرلی نتیجهلر دوغوراجاغینی، خصوصی سکتوردا دا علاقهلرین گوجلندیریلمهسینی دستکلهدیکلرینی سؤیلهدی.
امریکانین قودس قرارینا رئاکسیا گؤستردیکلرینی ایفاده ائدن ظریف بیلدیردی کی، قودس موضوع سوندا همفیکیریک. فیلیسطین خالقینین یانینداییق. امریکا پرزیدنتینین قراری دوزگون دئییلدیر. صاباح امریکادا فوق العاده توپلانتی کئچیریلهجک. بیز ده توپلانتیدا ایشتیراک ائدهرک امریکانین قودس قرارینین علیهینه اولدوغوموزو دیله گتیرجییک.
آستانادا تورکیه، روسیا و ایرانین ضمانتینده داوام ائدن سوریه موذاکیرهلرینه توخونان ظریف "اوچ اؤلکه ده بو موضوع دا یاخشی ایشلهدی. بیزیم قرارلاریمیز اولوسلار آراسی ایجتیمایت طرفیندن ده دستکلنمهلیدیر. سوریه بحرانینین یاخین زاماندا حل اولماسی اوچون چالیشامالییک" دئدی .
ایلگیلیلی خبرلر
عراقین شیمالینداایکی ترورچو ضررسیزلشدیریلیب
عراقین شیمالینداکی قارا بؤلگهسینده بولوجو ترور تشکیلاتی پ.کا.کالی ایکی ترورچو ضررسیزلشدیریلیب.
غزهده هلاک اولان لارین سایی 41 مینی اؤتوب
ایسراییلین غزهیه هوجوملاری نتیجهسینده هلاک اولانلارین سایی آرتماقدا داوام ائدیر.