ساواش اوچاقلاری آراسیندا تهلوکهلی یاخینلاشما
"آمریکا اوچاقلارینین مانورلاری اوزرینه هاوالاندیریلان روس سو-۳۵س، ف-۲۲یه یاخینلاشدی"
آمریکا مرکزی گوجلر قوموتانلیغی(سنتکوم) اؤنجهکی گون سوریه هاوا مکانیندا، روس و آمریکا اوچاقلارینین بیر بیرینه چوخ چوخ یاناشدیغینی، آنجاق بونون اولاغان اوستو بیر حال اولمادیغینی بیلدیردی.
سنتکوم نمایندهسی، مؤوضوع ایله باغلی وئردیگی آچیقلامادا،
"ایکی اف-۲۲ اوچاغی، ایکی روس اوچاغینا آشیری یاخینلاشدی. بو سببله، وضعیتین دانبشیلماسی آماجی ایله (آمریکا ایله روسیا آراسیندا) هاوا ساحهسیندهکی سانحهلری اؤنلمه کاناللاری اوزریندن ارتباطا گئچیلدی" دئدی.
بو جور حاللارین بعضا "گونده بیر نئچه دفعه میدانا گلدیگینی و "بونون اولاغان اوستو بیر شئی اولمادیغینی قید ائدن یئتکیلی، اولایلا باغلی داها چوخ آیرینتی وئرمهدی.
روسیا ساوونما باخانلیغی ایسه باتی مئدیاسیندا سوریهده آمریکایا عاید اف-۲۲ اوچاقلارینین روس سو-۲۵ ساواش اوچاقلارینا اؤنلم قویدوغو یؤنونده چیخان خبرلری یالانلادی.
حادثهنین ۱۳ دسامبر گونو باش وئردییگنی قید ائدن باخانلیق،
"آمریکا اوچاقلارینین مانورلاری اوزرینه هاوالاندیریلان روس سو-۳۵س، ف-۲۲یه یاخینلاشدی. آمریکا اوچاغی حادثه یئرینی ترک ائتمک مجبوریتینده قالدی" دئیه بیلدیردی.
روسیا ساوونما یاخانلیغی سؤزچوسو ایگور کوناشنکوو، ۹ دسامبردا وئردیگی آچیقلامادا، ایکی اؤلکه ساواش اوچاقلاری آراسیندا یاخینلاشمالارین بؤیوک قیسمینین، "آمریکانین ترور هؤرگوتو داعشین یوخ ائدیلمهسینه مانع اولماق چابالاری" ایله باغلی اولدوغونو ایرلی سورموشدو.
ایلگیلیلی خبرلر
ایسرائیلین لبنانا سالدیریلاریندا اؤلنلر وار
ایسرائیل گوجلری بو سحر ده، اؤلکهنین جنوبونا توپچو آتیشییلا هوجوم تشکیل ائتدی