یمن کئچمیش پرزیدنتی علی عبدالله صالح، اؤلدورولوب

یمن کئچمیش پرزیدنتی علی عبدالله صالح، اؤلدورولوب.

سعودی عربیستانلا موقاویله‌یه چالیشان و یئنی صحیفه آچماغا حاضیرام مساژی وئرن صالح‌ین اؤلدورولدوغو، لیدری اولدوغو عمومی خالق کونگرسی پارتیسی طرفین‌دن آچیقلانیب.

یمن‌ده، حاکمیتی الینده ساخلایان حوثیلرین، دئوریلمیش لیدر علی عبدالله صالحین ائوینی هاوایا اوچدوغو اؤنه سورولموش، ایرانین یاری رسمی تسنیم اینفورماسیون آژانسی ایسه صالحین مغرب‌ه قاچماغا چالیشارکن حوثیلر طرفین‌دن اؤلدورولدوگونو ایره‌لی سورموشدو.

حوثیلر ایله صالح گوجلری آراسیندا پایتخت صنعا‌دا بیر مدت‌دیر داوام ائدن موناقیشه‌لرین شیددتلنمه‌سی اوزرینه، اوردویا "عاجیل عملیات تاپشیریغی وئریلیب.

پرزیدنت عبدالربو منصور هادی، اوردویا، عاجیل اولا‌راق پایتخت صنعایا عملیات امری وئریب.

هادی، اوردویا،

صالحه صادق کوجلرله بیرلشه‌رک، چوخ سایدا جبهه آچین و صنعایا موختلیف قول‌لاردان گیرین" دئدی.

بو آرادا، باشکند صنعادا اولان ایران بوگوک ائلچیلیغی قومپاره ایله هدف آلیندی.

نیظامی منبع‌لردن آلینان معلوماتا گؤره، یمن‌ده قانونی حاکمیت علیهینه اولان کئچمیش پرزیدنتی علی عبدالله صالح طرفدارلاری ایله حوثیلر آراسیندا پایتخت صنعا‌دا داوام ائدن چاتیشما‌لار زامانی ایران بوگوک ائلچیلیغه قومپاره آتیلدی.

هونگ و دسته توپونون هارا‌دان آتیلدیغی هله بیلینمدیگی، سفیرلیک بیناسین‌دان دومان‌لارین یوکسلدیگی قید ائدیلیب.

بیرلشمیش میللت‌لر (بمت) یمن اینسانی یاردیم کووردیناتورو جیمی مک گولدریک، پایتاخت سنه‌ده قانونی حکومت علیهدارلاری آراسیندا داوام ائدن قارشیدورما‌لارا سون قویولماسی چاغیریشی ائتدی.

مک گولدریک، توئیتر حسابین‌دان وئردیگی آچیقلامادا، صنعادا قانونی حکومت علیهدارلاری آراسیندا داوام ائدن چاتیشمادان درین ناراحات‌لیق دویدوغونو ایفاده ائده‌رک، زوراکی‌لیق حادثه‌لرینه سون وئریلمه‌سینی ایسته‌دی.

موناقیشه‌لر سببیله چوخ سایدا وطنداشین ائولرینده محاصیره قالدیغینا دقتی چکن مک گولدریک، آچیقلاماسیندا "حوثیلر و صالح طرفدارلاری آراسیندا داوام ائدن توققوشما‌لاردا اونلارلا وطنداشین اؤلدوگو، یوزلرجه‌سی-نین یارالاندیغی دئییلیر". ایفاده‌سینه یئر وئریب.

مک گولدریک، طرف‌لره، اولوسلار آراسی اینسان حاق‌لاری حقوقونا ریاعت ائتمه‌سی، وطنداش‌لاری و شهرین بازاسینی قوروماسی چاغیریب.