شاهزاده سربست بوراخیلدی
امیر متعب، گؤزآلتی عملیاتی سیراسیندا عربیستانداکی کرالیت محافظلرینه باشچیلیق ائدیردی
عربیستاندا مالی فساد ادعاسییلا گؤزآلتینا آلینانلار آراسیندا یئر آلان گئچمیش کرالیت محافظلری باخانی امیر متعب بن عبداللهین سربست بوراخیلدیغی ادعا ائدیلدی.
اسکی باخان امیر متعبین سربست بوراخیلدیغینی باجیسی شاهزاده نوف بنت عبدالله سوسیال مئدیا حسابیندان بیلدیردی.
عربیستان مقاملاری ایسه مسئله ایله باغلی هر هانسی بیر آچیقلاما وئرمهدی.
اسکی کرال عبدالله بن عبدالعزیزین اوغلو اولان امیر متعب، گؤزآلتی عملیاتی سیراسیندا عربیستانداکی کرالیت محافظلرینه باشچیلیق ائدیردی.
امیر متعبین تخمیناً ۱ میلیارد دلارلیق مال وارلیغینی عربیستان خزانهسینه تحویل وئرمهیی قبول ائتدیگی اوچون سربست بوراخیلدیغی و ساغلیق دورومونون یاخشی اولمادیغی ادعا ائدیلیر.
امیر متعب حاقیندا داها اؤنجه ده بیر چوخ ادعا اورتایا آتیلمیش، آنجاق رسمی اورگانلاردان آچیقلاما وئریلمهمیشدی.
عرابیستاندا،آی باشیندا یاییملانان کرالیت قرارنامهسی ایله ولیعهد محمد بن سلمان باشقانلیغیندا "مالی فسادلا مباریزه کمیسیونو" یارادیلمیش، آردیندان حیاتا گئچیریلن عملیاتلار چرچیوهسینده آرالاریندا شاهزاده و گئچمیش باخانلارین دا اولدوغو چوخ ساییدا یوکسک سویهلی دؤولت یئتکیلیسی و ایش آدامی گؤزآلتینا آلینمیشدی.