"گوجو، ایرانین وئردیگی سلاحلاردان گلیر"
حریری: روحانی، بیزیم لیناندا گؤرمک ایستدیکلریمیزه قاریشابیلمز
لینان باشباخانی سعد حریری، حزباللهین سلاحلارینا بؤلگهسل بیر چؤزوم تاپیلماسی گرکدیگینی بیلدیررک،
"بیز (لینان)، بو مسئله ایله باغلی هئچ بیر شئی ائدهبیلمریک" دئدی.
حریری، عربیستاندا یاییملانان بیر درگییه وئردیی مصاحبهده،
"حزباللهین اؤلکهنی ایداره ائتمکله باغلی بیر قابیلیتی یوخدور. حزباللهین گوجو، ایرانین وئردیگی سلاحلاردان گلیر" دگرلندیرمهسینی وئردی.
ایران جمهورباشقانی حسن روحانینین، لیناندا ایرانین داخل اولمادان قرار آلیناممایاجاغی یولونداکی آچیقلامالارینا تپکی گؤسترن حریری،
"روحانی، بیزیم لیناندا گؤرمک ایستدیکلریمیزه قاریشابیلمز، بونو ائدهبیلمز" دئدی.
عربیستانین ایران و حزباللها قارشی سرت آچیقلامالارینی آنلادیغینی و بونلارا حاق وئردیینی قید ائدن حریری،
"اؤزللیکله حزبالله، بؤلگهنین و کؤرفزین ثابتلیگی ایله اوینارکن بونا قارشی تدبیر آلمالاری اونلارین (عربیستان) حاقی" دئیه بیلدیردی.
سوریهده داوام ائدن ساواش ایله باغلی دا سعد حریری،
"روسیانین سوریهیه مداخیله قراری آلماسینین بشار اسدین دئوریلمهسی ایله ایلگیسی یوخدور. ایران سوریهده باشاریسیز اولونجا روسلاردان مداخیله طلب ائتدی" ایفادهلرینی قوللاندی.
ایران پرزیدنتی روحانی اؤتن آی قاتیلدیغی بیر تلویزیون پروگرامیندا،
"ایرانین حاضردا بؤلگهدهکی رولو و تأثیری گئچمیشه گؤره چوخ داها گوجلودور. ایرانین توتومونو نظره آلمادان عراق، سوریه، لینان و کؤرفزده بیر قرار وئرمک ممکن دئییل" شکلینده دانیشمیشدی.