"اسد عائلهسینین حؤکمرانلیق دؤورو سونا چاتیر"
آمریکا خاریجی ایشلر باخانی، سوریهنین گلهجگینده اسدین اولمادیغینی وورغولادی
!["اسد عائلهسینین حؤکمرانلیق دؤورو سونا چاتیر"](http://cdn.trt.net.tr/images/xlarge/rectangle/90b9/22cf/4c35/59edfbd3effce.jpg?time=1718939527)
آمریکا خاریجی ایشلر باخانی تیلرسون، اؤلکهسینین بشار اسدین هئچ بیر رولونون اولمایاجاغی بوتون و بیرلشمیش بیر سوریه ایستدیگینی سؤیلهدی.
رکس تیلرسون،
"اسد عائلهسینین حؤکمرانلیق دؤورو سونا چاتیر. تک مسئله بونون نئجه باش وئرهجگیدیر" دئدی.
تیلرسون، بعضی اورتادوغو و آسیا اؤلکهلرینه ائتدیگی سفرلر سونراسی ژنوده بیرلشمیش میلتلر سوریه اؤزل نمایندهسی استفان دی میستورا ایله بیر آرایا گلدی.
آمریکا خاریجی ایشلر باخانی، گؤروشمهدن سونرا وئردیگی آچیقلامادا سوریهنین گلهجگینده اسدین اولمادیغینی وورغولایاراق
"آمریکا، اسدین حکومتده هئچ بیر رولونون اولمایاجاغی بوتون و بیرلشمیش بیر سوریه ایستییر. اسد عائلهسینین حؤکمرانلیق دؤورو سونا چاتیر. تک مسئله بونون نئجه باش وئرهجگیدیر" دئدی.
سوریهده 6 ایلدیر داوام ائدن ایچ ساواشدا اسد گوجلرینین گئدیشی دییشدیرمهسینده تک سببین، روسیانین وئردیگی هاوا دستگی اولدوغونو ساوونان تیلرسون، رژیمین دیگر متفیقی ایرانا ایسه ترورو هؤرگونو داعشین مغلوبیته اوغرادیلماسیندا رول وئریلممهسی لازیم اولدوغونو قید ائتدی.