سوریه دانیشیق‌لاری‌نین سککیزینجی مرحله‌سی باشلاییر
بیرلشمیش میللت‌لر تشکیلاتی‌نین سوریه عذره خصوصی نماینده‌سی استفان دی میستورا بمت تهلوکه‌سیزلیک شوراسیندا عضو اؤلکه‌لره سوریه-ده کی سون حادثه‌لره عاید معلومات وئردی.
بیرلشمیش میللت‌لر تشکیلاتی‌نین سوریه عذره خصوصی نماینده‌سی استفان دی میستورا سوئیس-ین ژنو شهرینده کئچیریلن سوریه دانیشیق‌لاری‌نین سککیزینجی مرحله‌سی‌نین بیر آی عرضینده باشلانماسی‌نین پلانلاشدیریلدیغینی آچیقلادی.
بیرلشمیش میللت‌لر تشکیلاتی‌نین سوریه عذره خصوصی نماینده‌سی استفان دی میستورا بمت تهلوکه‌سیزلیک شوراسیندا عضو اؤلکه‌لره سوریه-ده کی سون حادثه‌لره عاید معلومات وئردی.
خصوصی نماینده قازاخیستانین پایتاختی آستانادا بو آیین اولینده کئچیریلن گؤروش‌لرین نتیجه‌سینده سوریه-ده دؤرد "چاتیشمازلیک بؤلگه‌سی"نین یارادیلدیغینی بیلدیردی، بونا باخمایا‌راق اؤلکه‌ده داوام ائدن قارشیدورما‌لار سببیندن وضعیتین هله ده کؤو‌رک اولدوغونو وورغولادی.
میستورا چاتیشمازلیک بولگه لرینین یارادیلماسی‌نین اساسیندا سوریه-نین بیرلیگی و اراضی بوتؤو‌لوگونون دوردوغونو قئید ائده‌رک:"سوریه-یه عاید ژنو دانیشیق‌لاری‌نین 8-جی مرحله‌سینی بیر آی عرضینده، اوکتبر آیی‌نین سونوندا، و یا نوامبر آیی‌نین اولینده باشلاماغی نظرده توتوروق" دئدی.
خصوصی نماینده طرف‌لری دانیشیق‌لارا اؤن شرط‌سیز قاتیلماغا چاغیردی.
آمریکانین بمت-دکی دایمی نماینده‌سی نیکی هیلی شورادا ائتدیگی چیخیشیندا سوریه-ده سیاسی یوللا داواملی باریشین برقرار اولماسی‌نین مومکونلوگون‌دن دانیشدی. هالی:" لاکین بو، ایرانا سوریه لیدئری بشار اسدین، و یا داعش-ین یئرینه کئچمه فورصتی وئرمه‌مه‌لی‌دیر" دئدی.
