عبادی: عراقدا عرقچی دؤولت قورولماسینی رد ائدیریک
"تهران، عراقین بیرلیگینی قوروماق اوچون بغدادین آتاجاغی هر بیر آددیمی دستکلهیهجک"
![عبادی: عراقدا عرقچی دؤولت قورولماسینی رد ائدیریک](http://cdn.trt.net.tr/images/xlarge/rectangle/2822/4d2a/4f83/59c273069e92a.jpg?time=1718867151)
عراق باشباخانی حیدر العبادی، عراق کورد بؤلگهسل رهبرلیگینین آنایاسایا ضد رفراندومونون سونوچلارینی تانیمایاجاقلارینی سؤیلهدی.
دؤولت تلویزیونو واسطهسیله عراق خالقینا سسلنن عبادی،
"عراق، ائتنیک و مذهب تمللی بؤلونمکله قارشی قارشییادیر. عراقدا عرقچی دؤولت قورولماسینی رد ائدیریک. اولدو بیتدی سیاستینی کوبود قوتله تلقین ائتمک اولماز. بو، صدام رژیمی کیمی اوغورسوزلوغا دوچار اولاجاق" دئدی.
رفراندومونون اؤلکهنین و بؤلگهنین گوونلیگینی تهلوکهیه آتاجاغینی ایفاده ائدن عبادی،
"رفراندومو گؤرمزدن گلهجهییک و نتیجهلرینی تانیمایاجاییق. اؤلکهنین بیرلیگینی و وطنداشلارین گوونلیگینی قوروماق اوچون لازیم اولان آددیملاری آتاجاییق" شکلینده دانیشدی.
عبادی، هئچ بیر اؤلکهنین رفراندوم سونراسی بؤلگهسل یؤنهتیمین یانیندا یئر آلمایاجاغینی بیلدیرهرک، بونلاری قید ائتدی:
"گوجلریمیز اربیل و بغداددان ترور بلاسینی اوزاقلاشدیردی. داعشه قارشی بیرلشمیش ایکن دیکتاتورلوق و قارانلیغا قاییتماق چاغریلاری یوکسلیر. کورد وطنداشلاریمیزدان و اونلارین گوونلیگینی قوروماقدان ال چکمهیهجییک. هئچ کیمین ده اؤلکه اؤز مالی ایمیش کیمی داورانماسینا اجازه وئرمریک".
بو آرادا، بؤلگهسل یؤنهتیمین مستقیللیک رفراندومو اؤنجهسینده عبادی دانیشدی.
عراق باشباخانلیق افیسیندن وئریلن یازیلی آچیقلامایا گؤره، روحانی، رفراندومونا قارشی اولدوقلارینی یئنهلهدی.
رفراندومونون حیاتا گئچمهسینین "عراقین بیرلیگینین یانی سیرا، بؤلگهنین گوون و ثابتلیگی اوچون تهلوکه یاراداجاغینا" دقت چکن روحانی، "تهرانین، عراقین بیرلیگینی قوروماق اوچون بغدادین آتاجاغی هر بیر آددیمی دستکلهیهجیینی" قید ائتدی.
عبادی ایسه حکومتین، عراقین بوتون تورپاقلارینی تئررور چتهلریندن قورتارماق اوچون چابا صرف ائتدیگینه وورغو ائدهرک،
"حکومتیمیز، عراقین بیرلیگی و وطنداشلارین باریش ایچینده یاشاماسینی تهدید ائدن تک طرفلی و آنایاسایا ضد اولاراق حیاتا گئچیریلمهسی پلانلاشدیریلان رفراندومو رد ائدیر و نتیجهلرینی تانیمیر"ایفادهسینی قوللاندی.
ایلگیلیلی خبرلر
![ایراندا 5 ریشتر گوجونده زلزله](http://cdn.trt.net.tr/images/medium/rectangle/98d4/e940/663b/66727454865f5.jpg?time=1718867151)
ایراندا 5 ریشتر گوجونده زلزله
رضوی خراسان ایالتینین کاشمر بؤلگهسینده زلزله نتیجهسینده 4 نفر اؤلوب 120 نفرده خسارت آلیب