بن لادنین اوغلو آتاسینین یئرینه گئچیر
"آتاما ائتدیگینیز شئی اوچون اینتیقام آلاجاغام"
ترور هؤرگوتو القاعدهنین کؤهنه لیدئری اوسامه بن لادنین اوغلو حمزه بن لادنین قیسا مدت ایچینده هؤرگوتون باشینا گئچمهسی گؤزلنیلیر.
خاریجی مطبوعات، 28 یاشینداکی حمزه بن لادنین ترور هؤرگوتو داعشین داغیلما سورهجی یاشادیغی دؤورده اؤن پلانا چیخماغی هدفلدیگینی یازدی.
حمزه بن لادین، گئچن ایل یاییملادیغی ایلک سسلی مئساژیندا، اؤزللیکله عربیستانا قارشی سرت مئساژلار وئرمیش، بو اؤلکهده 'یالنیز قوردلارین' ترور سالدیریلاری دوزنلمهسینی ایستمیشدی.
بن لادین، ایکینجی سسلی مئساژیندا ایسه، عربیستانین قوروجوسو عبدالعزیز بن رحمان آل سعودو اینگیلیس جاسوسو اولماقلا سوچلادی.
سیبیاس نیوزا دانیشان آمریکا خاریجی ایشلر باخانلیغی رسمیسی علی صوفان، حمزه بن لادنین داها اوشاقکن آتاسینین یئرینه گئچهجک پتانسیل بیر لیدئر اولاراق گؤرولدوگونو سؤیلهدی.
صوفان،
"حمزه بن لادین تمل اولاراق بونو سؤیلهییر: آتاما ائتدیگینیز شئی اوچون اینتیقام آلاجاغام."
حمزه بن لادین، آمریکا خاریجی ایشلر باخانلیغینین ترور لیستهسینده یئر آلیر.
ترور هؤرگوتو القاعده لیدئری اوسامه بن لادن، 11 سپتامبر 2001.جی ایلده، آمریکادا دونیا تیجارت مرکزی و پنتاگون بنالارینا اوچاقلارلا تشکیل ائدیلن و 3 میندن چوخ انسانین جان وئردیگی سالدیریلاردان سوروملو توتولوردو.
آمریکا، بن لادنی، می 2011.جی ایلده، پاکیستاندا تشکیل ائتدیگی عملیاتدا اؤلو اله گئچیرمیشدی.